కొత్త జెర్సీల్లో మెరిసిపోతున్న చెన్నై సూపర్ కింగ్స్... (Video)

ఐపీఎల్ ఫ్రాంచైజీల్లో చెన్నై సూపర్ కింగ్స్ జట్టు ఒకటి. ఈ జట్టు ఐపీఎల్‌-2020 ప్రారంభానికి ముందే సీఎస్‌కే ఎన్నో ఒడిదుడుకులను ఎదుర్కొంటోంది. కానీ జట్టు ఫ్రాంచైజీ మాత్రం త్వరలో అన్నీ సర్దుకుంటాయని చెప్తూ వస్తోంది. 

ఈ జట్టు ఆటగాళ్లు కూడా సెప్టెంబర్‌ 19న ముంబైతో జరుగనున్న తొలి మ్యాచ్‌ ఆడేందుకు సిద్ధమవుతున్నారు. ఈ నేపథ్యంలో సీఎస్‌కే మంగళవారం తమ తాజా జెర్సీకి సంబంధించిన వీడియోను అధికారిక ట్విట్టర్‌లో పోస్టు చేసింది.

ఈ వీడియోలో ఎంఎస్ ధోని, షేన్ వాట్సన్, మురళీ విజయ్ కాలర్‌ ఎగరేస్తూ వేసిన స్టెప్‌ చెన్నై అభిమానులను విశేషంగా ఆకట్టుకుంటోంది. వీడియో పోస్టు చేసిన నిమిషాల వ్యవధిలోనే లక్షల్లో లైకులు, రీట్వీట్లు వచ్చాయి.  

కాగా, ఈ నెల 19వ తేదీన చెన్నై సూపర్ కింగ్స్, ముంబై ఇండియన్స్ జట్ల మధ్య జరిగే ప్రారంభ మ్యాచ్‌లో ఐపీఎల్ 2020 సీజన్ ఆరంభమవుతుంది. ఇది నంవబరు 10తో ముగియనుంది. ఇందుకోసం ఎనిమిది జట్లు ఇప్పటికే యూఏఈకి చేరుకునివుని ముమ్మరంగా సాధన చేస్తున్నాయి.

The most wanted piece of #yellove is back in stock just in the nick of time!