Webdunia - Bharat's app for daily news and videos

Install App

ఐపీఎల్‌లో ఆరేళ్ల వరకూ టైటిల్ గెలుచుకోలేదు.. ముంబై ఏం చేస్తుందో?

Webdunia
గురువారం, 21 మార్చి 2019 (17:54 IST)
ఐపిఎల్‌లో ముంబయ్ ఇండియన్స్ అంటే మనకు గుర్తుకు వచ్చేది స్టార్ ఆటగాళ్లు, సమర్థవంతమైన కుర్రాళ్లు, తిరుగులేని కోచింగ్ బృందం. ఈ విషయంలో ముంబయ్‌కి సాటి ఏదీ లేదు. చేసిన 11 ప్రయత్నాలలో మూడుసార్లు ఛాంపియన్‌గా ఒకసారి రన్నరప్‌గా నిలిచింది. ఐపిఎల్‌లో ఎక్కువ విజయాలు సాధించిన జట్లలో ముంబయ్ ఇండియన్స్ కూడా ఒకటి. 
 
కానీ ఐపిఎల్ ప్రారంభమైన ఆరేళ్ల వరకూ ఆ జట్టు తొలి టైటిల్ గెలుచుకోలేదు. 2013లో తొలి టైటిల్ గెలుచుకున్న ముంబయ్, మరో రెండుసార్లు (2015, 2017) ట్రోఫీలో ఛాంపియన్‌షిప్ సాధించింది. స్టార్‌లు ఎంతమంది ఉన్నా అందరూ కలిసి సమిష్టిగా పోరాడకపోవడంతో గతేడాది ముంబయ్ ప్లేఆఫ్‌ దశకు చేరకుండానే వెనుదిరిగింది. దాంతో కథ మళ్లీ మొదటికి వచ్చింది. ఈ సారి మాత్రం ఎలాగైనా ట్రోఫీని దక్కించుకోవాలని గట్టి ప్రయత్నంలో ఉంది. 
 
వనరుల పరంగా ముంబయ్ జట్టుకు ఎలాంటి కొదువ లేదు. వారి ప్రధాన బలహీనత క్రీడాకారులందరూ కలిసికట్టుగా ఆడకపోవడమే. ఒకరిద్దరిపైన ఆధారపడి ఆ జట్టు గెలిచే మ్యాచ్‌లను కూడా ఓడిపోయిన దాఖలాలు ఉన్నాయి. ఈసారి ముంబయ్ జట్టులో పెద్ద స్టార్‌గా యువరాజ్ చేరారు. కానీ అతని ఫామ్‌ని చూస్తుంటే అన్ని మ్యాచ్‌లు ఆడగలడా అనే సందేహం వస్తోంది. 
 
పొలార్డ్‌ పరిస్థితి కూడా దాదాపుగా అలానే ఉంది. వారిలో మునుపటి జోరు ఇప్పుడు లేదు. అంబటి రాయుడిని వదులుకోవడం ముంబయ్‌కి మరో మైనస్ పాయింట్. మిడిలార్డర్‌ని బలహీనంగా మార్చుకున్నారు. బౌలింగ్ విషయానికి వస్తే కూడా పటిష్టంగా లేదనిపిస్తోంది. శ్రీలంక స్టార్‌ లసిత్‌ మలింగ సమర్థవంతంగా రాణించలేకపోతున్నాడు. ఇక ముంబయ్ ఆధారపడాల్సింది బుమ్రా, మెక్లెనగన్‌ల పైనే. 
 
వారి పనితీరు ఈసారి ఎలా ఉండబోతోందో చూడాలి. ప్రపంచ కప్ దృష్ట్యా బుమ్రా అన్ని మ్యాచ్‌లలో ఆడతాడా అనేది సందేహమే. స్పిన్ విభాగంలో లెగ్‌స్పిన్నర్‌ మయాంక్‌ మార్కండె, ఆఫ్‌ స్పిన్నర్‌ కృనాల్‌ పాండ్య కీలకంగా వ్యవహరించనున్నారు.

సంబంధిత వార్తలు

అన్నీ చూడండి

తాజా వార్తలు

నడిరోడ్డుపైనే ప్రసవం - బ్యాంకాక్‌లో దయనీయ పరిస్థితులు

చెరువులో నాలుగు మృతదేహాలు : భర్తే యేసునే హంతకుడా?

ఒరిస్సాలో కామాఖ్య ఎక్స్‌ప్రెస్ రైలు ప్రమాదం ... పట్టాలు తప్పిన ఏసీ బోగీలు

నాగలిపట్టిన ఎంపీ కలిశెట్టి - ఉగాది రోజున ఏరువాక సేద్యం...

ఫిరంగిపురంలో దారుణం... బాలుడిని గోడకేసి కొట్టి చంపిన సవతితల్లి!

అన్నీ చూడండి

టాలీవుడ్ లేటెస్ట్

'ఎంపురాన్‌'లో ఆ సన్నివేశాలు ప్రియమైన వారిని బాధించాయి, క్షమించండి : మోహన్‌లాల్

ఇబ్బందికర పరిస్థితుల్లో తల్లికి దొరికిపోయాను : హాస్యనటుడు స్వాతి సచ్‌దేవా

చిరంజీవి - అనిల్ రావిపూడి మూవీ పూజ - హాజరైన సినీ దిగ్గజాలు! (Video)

Naveen Chandra: 28°C సినిమా షూటింగ్ కష్టాలతో పుస్తకం రాబోతోంది

Parada: అనుపమ పరమేశ్వరన్ పరదా నుంచి మా అందాల సిరి సాంగ్

తర్వాతి కథనం
Show comments