సీటు బెల్టు పెట్టుకోకుండా డ్రైవ్‌ చేసిందని గోడకుర్చీ వేసిన బాస్

సీటు బెల్టు పెట్టుకోకుండా డ్రైవ్ చేసిందనీ ఉద్యోగికి కంపెనీ బాస్ గోడకుర్చీ వేసిన ఘటన చైనాలో జరిగింది. ఈ వివరాలను పరిశీలిస్తే... చెైనాకు చెందిన ఒక మహిళ ఓ కార్యాలయంలో పని చేస్తోంది.

సీటు బెల్టు పెట్టుకోకుండా డ్రైవ్ చేసిందనీ ఉద్యోగికి కంపెనీ బాస్ గోడకుర్చీ వేసిన ఘటన చైనాలో జరిగింది. ఈ వివరాలను పరిశీలిస్తే... చెైనాకు చెందిన ఒక మహిళ ఓ కార్యాలయంలో పని చేస్తోంది. ఆమె విధులకు హాజరయ్యేందుకు కారులో ఆఫీసుకు వచ్చింది. లోపలికి వచ్చి ఎప్పటి మాదిరిగానే సహచర ఉద్యోగులతో మాట్లాడుతూ విధుల్లో మునిగిపోయింది. ఇంతలో ఆమెకు బాస్ నుంచి పిలుపువచ్చింది. 

ఏ పని మీద పిలిచారో అని ఆత్రుతగా వెళ్లగా.. కారులో డ్రైవ్‌ చేస్తూ సీటు బెల్టు ధరించకుండా ఆఫీసుకి వచ్చిన వీడియోను చూపించారు. ఇంకేముంది సంస్థ నిబంధనలు ఉల్లంఘించినందుకుగాను శిక్ష అనుభవించాల్సిందే అని బాస్‌ ఆర్డర్‌ వేశారు. ఇక చేసేది ఏమీ లేక ఆమె వెళ్లి శిక్ష పూర్తి చేసింది. 

ఇంతకీ శిక్ష ఏమిటి అనే కదా మీ సందేహం. ఆఫీసులో సహ ఉద్యోగుల ముందు గోడుకు ఆనుకుని నిలబడటం. ఆమె ఎటూ కదలకుంటా ప్లాస్టర్‌ కూడా వేస్తారు. విధుల సమయం ముగిసే వరకు ఇలా ఉండాల్సిందే.