సింగిల్ ఉమెన్‌గా జీవించడం కష్టం.. రేణూ దేశాయ్
జీవిత భాగస్వామి లేకుండా అంటే ఒంటరిగా జీవించడం చాలా కష్టమని, అయినప్పటికీ.. ముందుకు సాగాల్సిందేనని హీరో పవన్ కళ్యాణ్ మాజీ భార్య, నటి రేణూ దేశాయ్ అభిప్రాయపడింది. తాజాగా ఆమె బుల్లితెరపై ప్రసారమయ్యే ఓ కార్
జీవిత భాగస్వామి లేకుండా అంటే ఒంటరిగా జీవించడం చాలా కష్టమని, అయినప్పటికీ.. ముందుకు సాగాల్సిందేనని హీరో పవన్ కళ్యాణ్ మాజీ భార్య, నటి రేణూ దేశాయ్ అభిప్రాయపడింది. తాజాగా ఆమె బుల్లితెరపై ప్రసారమయ్యే ఓ కార్యక్రమానికి జడ్జిగా వ్యవహరించనున్నారు. ఈ సందర్భంగాన్ని ఆమె ఓ చానల్‌కు ప్రత్యేక ఇంటర్వ్చూ ఇచ్చారు.
ఇందులో ఆమె మాట్లాడుతూ.. జీవితంలో సింగిల్ ఉమన్‌గా ఉండటం కష్టమేనని... అన్ని విషయాలను తానే చూసుకోవాల్సి ఉంటుందని, ప్రతి సమస్యను తానే పరిష్కరించుకోవాల్సి ఉంటుందన్నారు. అయినా... జీవితంలో జరిగిన విషయాలను మనం స్వీకరించి, ముందుకు సాగాల్సి ఉంటుందని ఆమె చెప్పుకొచ్చారు.
ఇకపోతే.. ఎన్ని కష్టాలు ఎదురైనా, జీవితంలో ఏనాడు అబద్ధం చెప్పవద్దనే విషయాన్ని తన తల్లి చిన్నప్పుడే తనకు నేర్పించిందని, దాన్ని ఇప్పటికీ అనుసరిస్తున్నట్టు చెప్పారు. అమ్మ చెప్పిన మాటను అనుక్షణం ఆచరిస్తున్నానని... ఏనాడూ అబద్ధం చెప్పలేదని అన్నారు. తన కుమారుడు అకీరా, తాను ఇద్దరూ మంచి స్నేహితుల్లా ఉంటామని తెలిపారు. కూతురు ఆద్య మాత్రం తనకు కొంచెం తల్లి అనే ఫీలింగ్ ఇస్తుందన్నారు.
