అద్దె బాకీ కట్టలేదని ఇంట్లోని పైకప్పు పాములను వేలాడ దీశాడు.. ఓ ఇంటి ఓనర్. ముందు ఇంటి అద్దె బాకీ మొత్తం కట్టు అప్పుడు పాములను ఇంట్లోంచి తీయిస్తాను అని తాపీగా సమాధానం చెప్పాడు. ఆ మాట విన్న అద్దెకుండే వ్యక్తి షాక్ అయ్యాడు. ఈ వింత ఘటన జార్జియాలో జరిగింది.
వివరాల్లోకి వెళితే.. హ్యారీ పగ్లీస్ అనే వ్యక్తి జార్జియాలోని టిబిలిసిలో ఓ ఇంట్లో భార్యా పిల్లలతో కలిసి అద్దెకు ఉంటున్నాడు. ఇటీవల కురిసిన వర్షానికి ఇంటి పైకప్పు పెచ్చులూడిపోయాయి. ఎప్పుడు పడిపోతాయా? అన్నట్లుగా ఉన్నాయి.
దీనికి తోడు పెచ్చులు ఊడిపోయిన ప్రాంతంలోంచి పాములు కూడా తొంగి చూస్తున్నాయి. ఊడిపోయిన పెచ్చుల్లోంచి పాములు ఇంటిలోపలికి వేలాడుతున్నాయి. సీలింగ్‌లో ఉన్న ఎలుకల్ని తినటానికి పాములు వచ్చాయి. వాటిని చూసిన హ్యారీ దంపతులు హడలిపోయారు. దీంతో హ్యారీ ఇంటి ఓనర్ వద్దకు పరిగెత్తాడు. జరిగిన విషయం చెప్పాడు. వెంటనే పాములను తీయించమని మొరపెట్టుకున్నాడు.
దానికి ఆ ఇంటి ఓనర్ తాపీగా సమాధానం ఇచ్చింది. "నువ్వు రెండు నెలలుగా ఇంటి అద్దె చెల్లించడం లేదు. ముందు అద్దె కట్టు. తర్వాత పాములు తీయించేస్తాను" అంటూ తాపీగా సమాధానం ఇచ్చింది. దీంతో షాకైన హ్యారీ పాములు ఉన్న ఆ ఇంట్లోనే భయంభయంగా రెండ్రోజులు గడిపానని స్థానిక మీడియా ద్వారా వాపోయాడు.