సాధారణంగా విమానాలు రన్‌వేపై ల్యాండ్ అయ్యే సమయంలో కాస్తంత భయభ్రాంతులకు గురిచేస్తాయి. అదే తుఫానులు, హరికేన్‌లు, భీకర గాలుల్లో చిక్కుకునే విమానాలు ల్యాండ్ కావడం అనేది ఓ సాహయంతో కూడుకున్న పనే.
సాధారణంగా విమానాలు రన్‌వేపై ల్యాండ్ అయ్యే సమయంలో కాస్తంత భయభ్రాంతులకు గురిచేస్తాయి. అదే తుఫానులు, హరికేన్‌లు, భీకర గాలుల్లో చిక్కుకునే విమానాలు ల్యాండ్ కావడం అనేది ఓ సాహయంతో కూడుకున్న పనే.
తాజాగా, ప్రపంచంలోనే అతిపెద్ద విమానంగా పేరొందిన ఎమిరేట్స్ విమాన సంస్థకు చెందిన ఎయిర్ బస్ ఏ380 విమానం ల్యాండ్ అవుతూ పూనకం పట్టినట్టు ఊగిపోయింది. దీంతో అందులోని ప్రయాణికులు ప్రాణ భయంతో బెంబేలెత్తిపోయారు. దీనికి సంబంధించిన వీడియో ఒకటి సోషల్ మీడియాలో వైరల్ అవుతోంది.
ఈ వివరాలను పరిశీలిస్తే... జర్మనీలోని డ్యూసెల్‌ డార్ఫ్‌ ఎయిర్ పోర్టులో ల్యాండ్ అవుతున్న సమయంలో భీకరమైన ఈదురుగాలులు వీచాయి. దీంతో గాల్లో ఉన్నంతసేపు స్థిరంగా ఉన్న విమానం రన్ వేపై ల్యాండ్ అయ్యే సమయంలో ఒక్కసారిగా అదుపుతప్పి అటూఇటూ ఊగిపోయింది.
ఒక సందర్భంలో అయితే రన్‌వేను తాకి మళ్లీ గాల్లోకి లేచింది. అయితే పైలట్ చాకచక్యంగా వ్యవహరించడంతో ఎలాంటి ప్రమాదం చోటుచేసుకోలేదు. అయితే ల్యాండ్ అయిన కాసేపటి వరకు విమానం ఊగిపోతూనే ఉండడం విశేషం. దీనికి సంబంధించిన వీడియో ఒకటి సోషల్ మీడియాలో పెట్టడంతో వైరల్‌గా మారింది. ఈ వీడియోను ఇప్పటికే కోటి మందికి పైగా నెటిజన్లు చూడటం గమనార్హం. ఈ వీడియోను మీరూ చూడండి.