కండోమ్‌కు చిల్లులు పెట్టాడని నాలుగేళ్ళ జైలు... ఎక్కడ?

కొన్ని కేసుల్లో కోర్టులు ఇచ్చే తీర్పులు వినేందుకు ఆశ్చర్యంగా ఉంటాయి. తాజాగా ఓ కోర్టు.. కండోమ్‌కు చిల్లు పెట్టినందుకు ఓ వ్యక్తికి నాలుగేళ్ళ జైలుశిక్ష విధిస్తూ తీర్పునిచ్చింది. ఈ తీర్పును లండన్‌ కోర్టు వెలువరించింది. 

తాజాగా వెలుగులోకి వచ్చిన ఈ వివరాలను పరిశీలిస్తే, బ్రిటన్‌కు చెందిన 47 యేళ్ళ వ్యక్తికి ఓ మహిళ పరిచయమైంది. ఆ తర్వాత వారిద్దరూ మరింత సన్నిహితంగా ఉంటూ వచ్చారు. ఈ క్రమంలో శారీరకంగా కలవాలంటే.. కండోమే ధరించాల్సిందే అంటూ ఆమె కండిషన్ పెట్టింది. ఆమెతో శారీరక సుఖం పొందాలన్న తపనతో ఆ వ్యక్తి తొలుత ఆమె నిబంధనకు అంగీకరించాడు. 

అయితే, కొన్ని రోజుల తర్వాత కండోమ్‌కు సూదితో చిల్లు పెట్టి... శృంగారంలో పాల్గొనసాగాడు. ఓ రోజున పడకపై కండోమ్ ప్యాకెట్‌తో పాటు సూది ఉండటాన్ని ఆమె గమనించింది. ఆ తర్వాత అతనికంటే ముందుగా నిద్రలేచి డస్ట్‌పిన్‌లోని కండోమ్స్‌ను పరిశీలించగా, వీర్యమంతా అందులో పడివుండటాన్ని గమనించింది. అంటే, కండోమ్‌కు చిల్లుపెట్టి తనతో శృంగారంలో పాల్గొంటున్నట్టు తెలుసుకుంది. 

ఈ వ్యవహారం చివరకు కోర్టు వరకు వెళ్లింది. ఈ కేసులో ఇరు వర్గాల వాదనలు ఆలకించిన కోర్టు... నిందితుడు నేరం చేశాడని కోర్టు తీర్పునిచ్చింది. అతనిపై ఆమె పెట్టుకున్న నమ్మకాన్ని వమ్ముచేసి, అత్యాచారానికి పాల్పడ్డాని పేర్కొంటూ, నాలుగేళ్ళ జైలుశిక్ష విధిస్తూ తీర్పునిచ్చింది.