టర్కీ ప్రధాని అహ్మేట్‌ దావుతోగ్లో ఈ నెల తర్వాత రాజీనామా

టర్కీ ప్రధాని అహ్మేట్‌ దావుతోగ్లో ఈ నెల తర్వాత రాజీనామా చేయనున్నట్టు ప్రకటించారు. గురువారం జరిగిన నాటకీయ పరిణామాల్లో భాగంగా అధికార పార్టీ అత్యవసర సమావేశాన్ని నిర్వహించారు. దీనిలో ఆయన మాట్లాడుతూ అధ్యక్షుడు ఎర్డగాన్‌కు తన విధేయతను ప్రకటించారు. 

తనకు ఎవరిపైనా కోపం లేదన్నారు. మే 22వ తేదీన దేశ కాంగ్రెస్‌ సమావేశమైనప్పుడు ఆయన వారసుడిని ఎంపిక చేస్తుంది. అధ్యక్షుడు ఎర్డగాన్‌తో పెరిగిన విభేదాల కారణంగా ఆయన ఈ నిర్ణయం తీసుకున్నట్లు సమాచారం. భద్రతా పరంగా టర్కీ సంక్షోభ పరిస్థితులు ఎదుర్కొంటున్న సమయంలో ఆయన తన రాజీనామాకు సిద్ధపడటం గమనార్హం.