20 నిమిషాల్లో చికెన్ నూడుల్స్ తినండి.. సర్‌ప్రైజ్ పొందండి..

జపాన్ రాజధాని టోక్యోలోని ఓ రెస్టారెంట్ కస్టమర్లకు వెరైటీ ఆఫర్ ప్రకటించింది. అదేంటంటే తమ రెస్టారెంట్‌లో తయారుచేసే చికెన్‌ నూడుల్స్‌ను ఎవరైతే నిర్ణీత సమయంలో తింటారో వారికి సర్‌ప్రైజ్‌ గిఫ్ట్‌ ఇస్తామంటూ

జపాన్ రాజధాని టోక్యోలోని ఓ రెస్టారెంట్ కస్టమర్లకు వెరైటీ ఆఫర్ ప్రకటించింది. అదేంటంటే తమ రెస్టారెంట్‌లో తయారుచేసే చికెన్‌ నూడుల్స్‌ను ఎవరైతే నిర్ణీత సమయంలో తింటారో వారికి సర్‌ప్రైజ్‌ గిఫ్ట్‌ ఇస్తామంటూ తెలిపింది. ఈ రెస్టారెంట్ గత మూడేళ్లుగా వెరైటీ పోటీలను నిర్వహిస్తోంది.

ఈ ఏడాది టోక్యోలోని ఉమకర  రామెన్‌ హైవురి రెస్టారెంట్‌ యాజమాన్యం చికెన్ నూడుల్స్ పోటీని ప్రకటించింది. ఈ పోటీలో పాల్గొనే వారు ముందుగా 26 డాలర్లు చెల్లించాలి. ఒకవేళ పోటీలో ఓడిపోతే 88డాలర్లు పెనాల్టీ కట్టాలి. గత మూడేళ్లగా నిర్వహిస్తున్న ఈ పోటీలో ఇప్పటివరకు కేవలం 9మంది మాత్రమే విజయం సాధించారు.

ఇకపోతే.. ఈ పోటీలో పాల్గొనేవారు 4కిలోల చిక్కుడు మొలకలు, మసాలా, సూప్‌తో కలిపి ఫ్రై చేసిన ఒక కోడితో తయారు చేసిన చికెన్‌ నూడుల్స్‌ను నిర్ణీత సమయం(20నిమిషాల్లో)లో తినాలి. 20నిమిషాల్లో ఎవరైతే తింటారో వారు బిల్లు కట్టక్కర్లేదు. అంతేకాదు రెస్టారెంట్‌ యాజమాన్యం సదరు వ్యక్తికి బహుమతిగా 438 డాలర్లు ఇస్తుంది. అలాగే 20 నిమిషాల్లో అంత మొత్తాన్ని తినకపోతే.. అదనంగా పది నిమిషాల సమయం కూడా ఇస్తారు. అలా 30 నిమిషాల్లో మొత్తం తిన్నవారికి 236 డాలర్లు అందిస్తారు.