భార్యకు పురిటినొప్పులు.. భయంతో వణికిపోయిన భర్త.. పోలీసే ఆ పనిచేశాడు..

America Police

అమెరికాలో భారీ ట్రాఫిక్ కలిగిన రోడ్డుపై నిండు గర్భిణి పురిటినొప్పులతో బాధపడుతూ ఇరుక్కుపోయింది. అయితే అంతటి ట్రాఫిక్ ప్రాంతంలో ఇరుక్కుపోయిన మహిళకు పోలీసులు ప్రసవం చేసిన వార్త సోషల్ మీడియాలో వైరల్ అయ్యింది. వివరాల్లోకి వెళితే.. అమెరికా, ఉడా ప్రావిన్స్‌లోని వెస్ట్ వేలి నగరంలో జెరేమీ అనే వ్యక్తి పోలీసు అధికారిగా బాధ్యతలు నిర్వర్తిస్తున్నాడు. 

ఇతడు మంగళవారం ఉదయం ఆ నగరంలో బాంగెట్టర్ హైవేలో విధులు నిర్వర్తిస్తుండగా.. అక్కడ రెండు కార్లు రోడ్డుకు అడ్డంగా నిల్చుని వుండటాన్ని గమనించాడు. ఆ వాహనం నుంచి హడావుడిగా బయటకు వచ్చిన ఓ వ్యక్తి తన భార్య పురిటినొప్పులతో బాధపడుతుందని చెప్పాడు. ఆస్పత్రికి వెళ్లే లోపే ఆమెను ప్రసవం జరిగిపోతుందని భయపడిపోయాడు. కానీ ఆ పోలీస్ అధికారి తన కారులోని రెండు గ్లౌజ్‌లను చేతికేసుకున్నాడు. 

పురిటినొప్పులతో బాధపడిన మహిళకు ధైర్యంగా వుండమని.. ప్రసవం చేశాడు. ఆపై ఆంబులెన్స్ ద్వారా ఆస్పత్రికి పంపాడు. దీంతో కొంత సేపటికి ఆ రోడ్డుపై ట్రాఫిక్ ఏర్పడింది. పోలీస్ ఇలా మహిళ కోసం డాక్టర్ అవతారం ఎత్తడంపై ప్రశంసలు వెల్లువెత్తుతున్నాయి. ఈ అధికారిపై సోషల్ మీడియాలో ప్రశంసలు వెల్లువెత్తుతున్నాయి.