క్లాస్ రూమ్‌లో సినిమా చూపించిన టీచర్? సస్పెండ్ అయ్యాడు.. ఎక్కడ?

ఆ పాఠశాలలో ఓ ఉపాధ్యాయుడు సస్పెండ్‌కు గురయ్యాడు. ఎందుకో తెలుసా? పిల్లలకు సినిమా చూపించినందుకు? అయితే అశ్లీల సినిమా చూపించాడా? అనేదేగా మీ డౌట్. కానే కాదు.. ఓ హారర్ సినిమా చూపించినందుకు ఆ టీచర్‌ను స్కూల్ యాజమాన్యం సస్పెండ్ చేసింది. 

వివరాల్లోకి వెళితే.. టెన్నెసీలోని మెర్రీ హైస్కూలులో ఓ టీచర్ హ్యుమన్ సెంటిపెడ్ 2 అనే నిషేధానికి గురైన సినిమాను పిల్లల కోసం ప్రదర్శించాడు. క్లాస్ జరగాల్సిన సమయంలో హారర్ మూవీ అయిన హ్యుమన్ సెంటిపెడ్ 2ను ప్రదర్శించడం సబబు కాదని.. ఈ సినిమాను యూకేలో తాత్కాలికంగా నిషేధం విధించిన విషయాన్ని పాఠశాల యాజమాన్యం వెల్లడించింది. 

ఇంకా నిషేధిత సినిమాను పిల్లలకు చూపించినందుకే ఆయన్ని సస్పెండ్ చేసినట్లు యాజమాన్యం ప్రకటించింది. కాగా ఈ సినిమా ముగ్గురు టూరిస్టుల మధ్య జరిగే కథాంశంతో తెరకెక్కింది.