వేదికపైనే అగ్నికి ఆహుతైన గాయని.. ఎక్కడ?

ఓ గాయని వేదికపైనే అగ్నికి ఆహుతైంది. ఈ విషాదకర ఘటన స్పెయిన్‌లో సంభవించింది. తాజాగా వెలుగులోకి వచ్చిన ఈ వివరాలను పరిశీలిస్తే, ప్రముఖ స్పానిష్‌ పాప్‌స్టార్‌, డాన్సర్‌ జోయానా సెయిన్స్‌లు కలిసి సూపర్ హాలీవుడ్ ఆర్కెస్ట్రా  బృందంతో సంగీత విభావరి కార్యక్రమంలో పాల్గొన్నారు. అపుడు ఉన్నట్టుండి ఒక్కసారిగా బాణాసంచా పేలిపోయింది. దీంతో వేదికకు మంటలు అందుకుని గాయని సజీవదహనమైంది.

ఈ ప్రమాదంపై ప్రత్యక్ష సాక్షులు అందించిన సమాచారం మేరకు... బాణాసంచా కాల్చుతున్న సమయంలో ప్రమాదవశాత్తూ రెండు రాకెట్లు వేదికపై దూసుకు వచ్చాయి. ఒకటి ఏకంగా ఆమె కడుపులోకి దూసుకుపోయింది. దీంతో వేదిక మీద ఒక్కసారిగా పేలుడు, సంభవించి మంటలంటుకోవడంతో ఆ మంటల్లో జోయానా చిక్కుకు పోయారు. 

అపస్మారక స్థితిలోకి జారుకున్న ఆమెను ఆసుపత్రికి తరలించే సమయానికే చనిపోయినట్లు వైద్యులు ధృవీకరించారు. ఈ ఘటనపై కేస నమోదు చేసిన పోలీసులు ప్రాథమిక విచారణ చేపట్టారు. జోయానా ఆకస్మిక మరణంపై గ్రూప్‌ ప్రమోటర్లు, హాలీవుడ్ నటీనటులు తీవ్ర దిగ్భ్రాంతిని వ్యక్తం చేస్తూ, సంతాపం తెలిపారు.