ఫస్ట్ క్లాస్ బాత్రూమ్‌ని ఉపయోగించడానికి అనుమతించలేదని ఒక ప్రయాణీకుడు విమాన సిబ్బందిపై ఓ వ్యక్తి చేజేసుకున్నాడు. అమెరికన్ ఎయిర్‌లైన్ ఫ్లైట్ 377లో మెక్సికోలోని శాన్ జోస్ డెల్ కాబో నుండి లాస్ ఏంజిల్స్ అంతర్జాతీయ విమానాశ్రయానికి ఈ ఘటన జరిగింది.
ఈ ఘటనను ఓ ప్రయాణికుడు రికార్డు చేయడంతో ఇంటర్నెట్‌లో అది వైరల్‌గా మారింది. ఈ వీడియోలో హవాయి షర్ట్ ధరించిన ఒక వ్యక్తి క్యాబిన్ క్రూ మెంబర్ వద్దకు వచ్చి, అతను వ్యతిరేక దిశలో నడుస్తున్నప్పుడు అతని మెడ వెనుక భాగంలో కొట్టడం చూడొచ్చు.
ఈ సంఘటన ఇతర ప్రయాణికులను దిగ్భ్రాంతికి గురిచేసింది. ఘటన అనంతరం నిందితుడిని సీటుపైనే నిలువరించారు. లాస్ ఏంజెల్స్ విమానాశ్రయంలో విమానం ల్యాండ్ అయిన తర్వాత పోలీసులు అతడిని అరెస్ట్ చేశారు.