కరోనా కాలంలో ఆన్‌లైన్ షాపింగ్‌పై ఆసక్తి చూపుతున్నారు. దీంతో ఆన్‌లైన్ షాపింగ్ మోసాలు పెరిగిపోతున్నాయి. ఒక వస్తువును ఆర్డర్ చేస్తే వాటిల్లో ఒక వస్తువుకు బదులు మరో వస్తువు వస్తుండటం చూసేవుంటాం. కానీ ఓ వ్యక్తికి మాత్రం ఇక్కడ వింత అనుభవం ఎదురైంది.
తాను బుక్ చేసిన వస్తువుతో పాటు అదనంగా పురుగులు కూడా వచ్చాయి. ఒళ్లు జలధరించేలా ఉన్నవాటిని చూసి అతడు వణికిపోయాడు. న్యూయార్క్‌లో జరిగిన ఈ సంఘటనకు సంబంధించిన ఫొటోలు సోషల్ మీడియాలో వైరల్ అయ్యాయి.
వివరాల్లోకి వెళితే.. బెంజమిన్ స్మితీ అనే వ్యక్తి కొన్ని దుస్తువులను ఆర్డర్ చేసుకున్నాడు. అనుకున్న సమయానికి అవి ఇంటికి చేరాయి. ఎంతో ఆత్రంగా వాటిని తనకు వచ్చిన ఆ దుస్తువులను చూసుకునేందుకు బాక్స్ తెరిచాడు. వాటిపై పురుగులూ అటూ ఇటూ తిరుగుతూ ఉండటాన్ని చూసి షాక్ అయ్యాడు. ఇలా జరిగిందేంటని ఆశ్చర్యపోయాడు.
వెంటనే కస్టమర్ కేర్‌కు ఫిర్యాదు చేశాడు. జరిగిన తప్పిదంతో తిరిగి అతనికి డబ్బులు ఇచ్చేందుకు అంగీకరించారు. తనకు ఎదురైన ఈ విషయాన్ని సోషల్ మీడియా ద్వారా పంచుకున్నాడు. ప్రస్తుతం ఈ ఫోటోలు నెట్టింట వైరల్ అవుతున్నాయి.