సాధారణంగా మనుషులే డబ్బులకు కక్కుర్తి పడి చిన్నారులను కిడ్నాప్ చేసిన ఘటనలున్నాయి. అయితే ఇక్కడ సీన్ రివర్స్. ఓ వానరం ఓ చిన్నారిని కిడ్నాప్ చేసేందుకు ప్రయత్నించింది. ఈ ఘటన ఇండోనేషియాలో చోటుచేసుకుంది. దీనికి సంబంధించిన వీడియో ప్రస్తుతం నెట్టింట వైరల్ అవుతోంది.
వివరాల్లోకి వెళితే.. ఇండోనేషియా, సురబయ నగరంలోని ఓ ఇరుకైన వీధిలో చిన్నారులు గుంపుగా ఆడుకుంటున్నారు. వారు అలా సంతోషంగా ఆరుబయట ఆడుకోవడాన్ని వారి తల్లిదండ్రులు చూస్తుండిపోయారు. ఆ సమయంలో ఎలాంటి శబ్ధం చేయకుండా మెల్లగా అడుగుపై అడుగు వేస్తూ.. ఓ కోతి అక్కడికి వచ్చింది. ఉన్నట్టుండి.. అక్కడ ఆడుకుంటున్న ఓ చిన్నారిని లాక్కుని రోడ్డు వరకు వెళ్లింది.
అయితే ఈ చిన్నారి కోతి చెర నుంచి తప్పించుకుంది. అయినా వదలని కోతి ఐదు అడుగుల వరకు చిన్నారిని లాక్కెళ్లింది. కానీ పొరుగిళ్లలో వుండే వారు కోతి చేతిలో చిక్కిన చిన్నారిని విడిపించారు. అంతే కోతి అక్కడ నుంచి పారిపోయింది. దీనికి సంబంధించిన వీడియో ప్రస్తుతం నెట్టింట వైరల్ అవుతోంది.