లాటరీ గెలవడం కాదు.. ప్రైజ్‌మనీ కొట్టేసింది.. ఆ వృద్ధురాలికి నెలకు పది లక్షలు!

లాటరీ గెలిచిన ప్రతి ఒక్కరూ అదృష్టవంతులు కాదు. కొందరికి మాత్రమే ఊహించని బంపర్ బహుమతులు అందుతాయి. ఆ విధంగా లాటరీలో ఇంగ్లండ్‌కు చెందిన 70 ఏళ్ల వృద్ధురాలికి మెగా బంపర్ ప్రైజ్ వచ్చింది. ఇంగ్లాండ్‌లోని డోర్కింగ్‌కు చెందిన డోరిస్ స్టాన్‌బ్రిడ్జ్ నేషనల్ లాటరీ టిక్కెట్‌ను గెలుచుకోవడం ద్వారా తన 70వ పుట్టినరోజును జరుపుకుంది. 

30 ఏళ్లుగా ప్రతి నెలా 10 వేల పౌండ్లు (భారతీయ విలువలో దాదాపు రూ. 10.37 లక్షలు) ఉండే ఆ లాటరీ టిక్కెట్‌లో మెగా బంపర్ బహుమతి అందుకుంది. దీనికి సంబంధించి ఆమెకు ఈ-మెయిల్ వచ్చింది. మెయిల్ చూసినప్పుడు దాన్ని ఆ వృద్ధురాలు పెద్దగా పట్టించుకోలేదు. 

పూర్తిగా చదివిన తర్వాతే 30 సంవత్సరాలుగా నెలకు 10 వేల పౌండ్లను గెలుచుకున్నట్లు తేలింది. తన అదృష్టాన్ని నమ్మలేక అల్లుడుకి మెయిల్ చూపించి బహుమతి వచ్చిందని నిర్ధారించుకుంది. డోరిస్ స్టాన్‌బ్రిడ్జ్ ఆమె అధికారికంగా నేషనల్ లాటరీని గెలుచుకున్నట్లు ధృవీకరించిన తర్వాత ఆమె కుటుంబంతో పండగ చేసుకుంది.

డోరిస్ స్టాన్‌బ్రిడ్జ్ మాట్లాడుతూ, "నేను ఈ బహుమతి గురించి ఆలోచించినప్పుడల్లా, ఇది వింతగా అనిపిస్తుంది. 30 ఏళ్లుగా ప్రతి నెలా ఆ డబ్బు నాకు అందుతుంది. ఇది నేను 100 సంవత్సరాల వరకు జీవించడానికి ఎంతగానో ఉపయోగపడుతుంది. ఈ ప్రైజ్ మనీతో మా పాత ఇంటిని పునరుద్ధరించేందుకు ప్లాన్‌ చేస్తున్నామని తెలిపింది.