లిఫ్టులో వృద్ధురాలిని అలా కాపాడిన యువతి.. పసిబిడ్డ ఏడుస్తున్నా..? (video)

Heart attack

లిఫ్టులో ఓ వృద్ధురాలిని కాపాడి శభాష్ అనిపించుకుంది.. ఓ యువతి. ఈ ఘటన వాయువ్య చైనాలోని జున్యాంగ్ కౌంటీలో చోటు చేసుకుంది. ఇందుకు సంబంధించిన దృశ్యాలు అక్కడి సీసీటీవీ కెమెరాలో నిక్షిప్తమయ్యాయి. ఆ యువతిపై నెటిజన్లు ప్రశంసల జల్లు కురిపిస్తున్నారు. 

వివరాల్లోకి వెళితే.. అపార్టుమెంటులోని లిఫ్టులో ఓ వృద్ధురాలు గుండెపోటుతో అక్కడే కుప్పకూలిపోయింది. ఆ సమయంలో ఆ లిఫ్టులో ఆమె ఒక్కతే ఉంది. కాసేపటికి లిఫ్టు తెరుచుకున్నాక బయటి నుంచి లిఫ్టులోకి వచ్చిన ఓ యువతి ఆ వృద్ధురాలిని చూసింది. అంతే, ఆమెను కాపాడడమే లక్ష్యంగా ఆ యువతి తన పసిబిడ్డను లిఫ్టు బయట పడుకోబెట్టి వచ్చేసింది.

ఆ వృద్ధురాలి గుండె పంపింగ్ తగ్గిపోవడంతో ఆమె దాన్ని సరిచేసుందుకు ప్రథమ చికిత్స అందించింది. తన పసిబిడ్డ లిఫ్టు బయట ఏడుస్తున్నప్పటికీ వృద్ధురాలిని బతికించేందుకు ఆమె ఆరాట పడి, చివరకు ఆమె ప్రాణాలను కాపాడింది. ఆ సమయంలో ఆ వృద్ధురాలిని కాపాడడమే తనకు ముఖ్యంగా అనిపించిందని ఆ యువతి చెప్పింది.