ఒమిక్రాన్ వేరియంట్ భయం : లాక్డౌన్‌పై జో బైడెన్ కామెంట్స్!

ప్రపంచ దేశాలను ఒమిక్రాన్ వేరియంట్ వణికిస్తుంది. ఈ వైరస్ తమతమ దేశాల్లోకి వ్యాపించకుండా ఆయా దేశాలు కఠిన చర్యలు తీసుకుంటున్నాయి. ఈ నేపథ్యంలో అగ్రరాజ్యం కూడా ఆ దిశగా చర్యలకు ఉపక్రమించింది. అయితే, లాక్డౌన్ విధించాలన్న డిమాండ్లపై అమెరికా అధ్యక్షుడు జో బైడెన్ స్పందించారు. 

ప్రస్తుతం దేశంలో లాక్డౌన్ విధించాల్సిన అవసరం లేదన్నారు. ఒక వేళ ప్రజలు వ్యాక్సిన్ వేయించుకునివుంటే, మాస్కులు ధరిస్తే లాక్డౌన్ అవసరం రాదని ఆయన స్పష్టంచేశారు. ఈ మేరకు ఆయన సోమవారం వైట్‌హౌస్‌లో జరిగిన మీడియా సమావేశంలో వెల్లడించారు. 

అయితే, ప్రస్తుతం అమెరికాలో ఒక ఒమిక్రాన్ పాజిటివ్ కేసు నమోదైంది. దీంతో 8 ఆఫ్రికా దేశాలకు చెందిన ప్రయాణికుల రాకపోకలపై అమెరికా ఆంక్షలు విధించింది. అదేసమయంలో గత యేడాదితో పోల్చితే ప్రస్తుతం అమెరికాలో పరిస్థితి అదుపులోనే ఉందని చెప్పొచ్చు.