ప్రపంచవ్యాప్తంగా కోట్లాది మందిని అభిమానులను సంపాదించుకున్న హాలీవుడ్ హీరో జాకీ చాన్‌. తాజాగా ఆయన తన మనసులో మాటను బయటపెట్టారు. తనకు కమ్యూనిస్టు పార్టీ ఆఫ్ చైనాలో (సీపీసీ) చేరాలని ఉందని తెలిపారు.
ఈ నెల ఒకటో తేదీన కమ్యూనిస్ట్ పార్టీ ఆఫ్ చైనా (సీపీసీ) వందేళ్లు పూర్తి చేసుకున్న సందర్భంగా ఆ దేశ అధ్యక్షుడు జీ జిన్‌పింగ్‌ ప్రసంగం చేశారు. ఈ ప్రసంగంపై జులై 6న దేశ సినీ ప్రముఖులు ఓ చర్చా కార్యక్రామన్ని నిర్వహించారు.
ఈ కార్యక్రమానికి చైనా ఫిలిం అసోసియేషన్‌ ఉపాధ్యక్షుడిగా ఉన్న జాకీచాన్ కూడా హాజరయ్యారు. ఈ సందర్భంగానే జాకీచాన్ మాట్లాడుతూ, తాను సీపీసీలో చేరాలని వుందంటూ వ్యాఖ్యానించారు. ఈ విషయాన్ని చైనా అధికారిక పత్రిక గ్లోబల్ టైమ్స్‌ బయటపెట్టింది.
‘కమ్యూనిస్టు పార్టీ ఆఫ్ చైనా గొప్పతనం కళ్ల ముందే కనిపిస్తోంది. ఈ పార్టీ ఏది చెప్పినా కచ్చితంగా చేస్తుంది. కేవలం కొన్ని దశాబ్దాల కాలంలోనే సాధ్యం చేసి చూపించింది. నేను సీపీసీలో సభ్యుణ్ని కావాలనుకుంటున్నాను’ అంటూ చెప్పుకొచ్చారని గ్లోబల్ టైమ్స్‌ తెలిపింది.