Webdunia - Bharat's app for daily news and videos

Install App

ప్రేమాధిదేవతగా ఖ్మర్ అప్సర : ఫోటోలు నెట్టింట వైరల్

వరుణ్
మంగళవారం, 16 ఏప్రియల్ 2024 (09:48 IST)
కాంబోడియా దేశంలో భారత రాయబారిగా దేవయానీ ఖోబ్రోగడే పని చేస్తున్నారు. ఆమె ప్రేమాధిదేవతగా ఖ్మర్ అప్సర కనిపించారు. కాంబోడియా దేశ సంప్రదాయక దుస్తుల్లో అక్కడి ప్రజలకు నూతన సంవత్సర శుభాకాంక్షలు తెలిపారు. అక్కడి పురాణాల్లో నృత్య, ప్రేమాధిదేవత అయిన ఖ్మర్ అప్సర దుస్తుల్లో ఆమె ఫొటో షూట్ నిర్వహించారు. ప్రస్తుతం ఇవి నెట్టింట వైరల్ అయ్యాయి. 
 
రాయబారి దేవయానీ భోబ్రోగడేకు ఖ్మర్ సంస్కృతి, సంప్రదాయాలంటే ఎంతో గౌరవమని అక్కడి భారత ఎంబసీ ట్విట్టర్ వేదికగా పేర్కొంది. కాంబోడియా ప్రజలకు శుభాకాంక్షలు తెలిపింది. 1999లో ఖోబ్రోగడే ఐండియన్ ఫారిన్ సర్వీస్ అధికారిగా తన కెరీర్ ప్రారంభించారు. అనంతరం బెర్లిన్, న్యూయార్క్, ఇస్లామాబాద్, రోమ్ వంటి విభిన్న దేశాల్లో వివిధ హోదాల్లో పనిచేశారు. 
 
ఇక 2013లో భారత్, అమెరికా మధ్య దౌత్య వివాదానికి కేంద్ర బిందువుగా నిలిచారు. ఖోబ్రోగడే వీసా మోసాలు, తప్పుడు ప్రకటనలు చేశారని ఆరోపిస్తూ సదరన్ డిస్ట్రిక్ట్ అటార్నీ ఆమెను అరెస్టు చేశారు. మరో ఉదంతంలో భోబ్రోగడే ఆమె తన ఇంట్లోని సహాయకురాలికి అమెరికా చట్టాల ప్రకారం కనీస జీతభత్యాలు చెల్లించలేదన్న ఆరోపణలు కూడా ఎదుర్కొన్నారు. ఈ ఆరోపణలను దేవయాని తోసిపుచ్చారు. అయితే, దౌత్యవేత్తలకు ఉన్న రక్షణల కారణంగా అమెరికా కోర్టు ఈ కేసులను కొట్టేసింది.
 
ఈ వివాదాలు అమెరికా, భారత్ మధ్య తీవ్ర దౌత్య ఉద్రిక్తతలకు దారి తీశాయి. ఖోబ్రోగడే దౌత్య రక్షణను ఉపసంహరించుకోవాలన్న అమెరికా విజ్ఞప్తిని భారత్ తోసిపుచ్చింది. ఈ క్రమంలో భారత్లో కొందరు అమెరికా దౌత్యవేత్తలకు ఇచ్చిన ప్రత్యేక అధికారాలను కేంద్రం ఉపసంహరించుకుంది. ఇందుకు నిరసనగా అమెరికా ఓ దౌత్యవేత్తను కూడా వెనక్కు పిలిపించుకుంది. ఇక ఖోబ్రోగడేను కేంద్ర ప్రభుత్వం 2020లో కాంబోడియాకు భారత రాయబారిగా నియమించింది. 

సంబంధిత వార్తలు

అన్నీ చూడండి

టాలీవుడ్ లేటెస్ట్

పారితోషికం కంటే పనిలో సంతృప్తి కి ప్రాధాన్యత: కిషోర్ బొయిదాపు

Nitin: సోదరి సెంటిమెంట్ తమ్ముడు మూవీకి ఎ సర్టిఫికెట్ కావాలన్న దిల్ రాజు

అప్పుడు బొమ్మరిల్లు ఇప్పుడు 3 BHK, అందుకే కె విశ్వనాథ్ గారికి అంకితం: సిద్ధార్థ్

ఆలయానికి మరో ఏనుగును విరాళంగా ఇచ్చిన నటి త్రిష

'కాంటా లగా' ఫేమ్ షఫాలీ జరివాలా హఠాన్మరణం

అన్నీ చూడండి

ఆరోగ్యం ఇంకా...

గ్రీన్ టీ అతిగా తాగుతున్నారా?

ఫ్యాబ్ ఇండియా బ్యూటిఫుల్ ఇంపెర్ఫెక్షన్ ప్రచారం హస్తకళల ఆకర్షణ

డయాబెటిస్, ఏముందిలే ఇవి తినేద్దాం అనుకోరాదు, ఏంటవి?

ఆల్‌బుకరా పండ్లు తింటే ఆరోగ్యానికి కలిగే మేలు ఏమిటి?

తల గాయంను అంచనా వేయడానికి ల్యాబ్ ఆధారిత రక్త పరీక్షను ప్రవేశపెట్టిన అబాట్

తర్వాతి కథనం
Show comments