సంసారయోగం లేని ఇమ్రాన్ ఖాన్... పెటాకులైన మూడో పెళ్లి

పాకిస్థాన్ క్రికెటర్ ఇమ్రాన్ ఖాన్‌కు సంసారయోగం లేనట్టుగా తెలుస్తోంది. ఇప్పటికే ఆయన పెళ్లి చేసుకున్న ఇద్దరు భార్యలు ఆయనకు దూరమయ్యారు. రెండు నెలల క్రితం మూడో పెళ్లి చేసుకున్నప్పటికీ ఆమెతో కూడా సఖ్యత కుద

పాకిస్థాన్ క్రికెటర్ ఇమ్రాన్ ఖాన్‌కు సంసారయోగం లేనట్టుగా తెలుస్తోంది. ఇప్పటికే ఆయన పెళ్లి చేసుకున్న ఇద్దరు భార్యలు ఆయనకు దూరమయ్యారు. రెండు నెలల క్రితం మూడో పెళ్లి చేసుకున్నప్పటికీ ఆమెతో కూడా సఖ్యత కుదరలేదు. దీంతో ఇమ్రాన్ మూడో పెళ్లి పెటాకులైంది.

పాకిస్థాన్ క్రికెట్ మాజీ కెప్టెన్, తెహ్రీక్ ఈ ఇన్సాఫ్ పార్టీ అధినేత ఇమ్రాన్‌ను మూడో భార్య బుష్రా మనేకా వదిలిపెట్టి, తన పుట్టింటికి వెళ్లిపోయిందని పాకిస్థాన్ మీడియా వెల్లడించింది. వీరిద్దరి మధ్య విభేదాలు రావడానికి బుష్రా మనేకా కొడుకే కారణమని తెలిపింది. 

మనేకా కొడుకు తమతో పాటు ఉండటం ఇమ్రాన్‌కు ఇష్టం లేదట. మరోవైపు, ఇమ్రాన్ ఇష్టంగా పెంచుకుంటున్న కుక్కలు మనేకాకు నచ్చలేదట. దీంతో, ఎవరిదారి వారు చూసుకున్నారని పాక్ మీడియా కథనం.

పెళ్లికి ముందే ఇమ్రాన్, మనేకాల మధ్య ఒక ఒప్పందం కుదిరిందట. మనేకా బంధువులు ఎవరూ ఎక్కువ రోజులు తమ వద్ద ఉండకూడదనేని ఆ ఒప్పందం. ఈనేపథ్యంలో, మనేకా కుమారుడు తమ ఇంట్లోనే ఉండటం ఇమ్రాన్‌కు చికాకు కలిగించింది. ఖవర్ ఫరీద్ అనే వ్యక్తితో మనేకాకు ఇంతకు ముందే పెళ్లయింది. వీరిద్దరికీ ఒక కుమారుడు ఉన్నాడు. 

మరోవైపు, ఇమ్రాన్ చెల్లెళ్లు కూడా అదే ఇంట్లో ఉంటున్నారు. వారికి మనేకాను ఇమ్రాన్ పెళ్లి చేసుకోవడం ఏమాత్రం ఇష్టం లేదు. వీరి వల్ల కొత్త దంపతులు ఇద్దరి మధ్య అగాథం బాగా పెరిగిపోయింది. చివరకు ఎవరి దారి వారు చూసుకున్నారు. 1995లో జమీమాను, 2015లో టీవీ యాంకర్ రేహమ్ ఖాన్‌ను ఇమ్రాన్ పెళ్లాడిన సంగతి తెలిసిందే.