స్పెయిన్‌ను భారీ వర్షాలు ముంచెత్తుతున్నాయి. స్పెయిన్ ఈశాన్య ప్రాంతంలోని జరాగోజా నగరంలోనూ వరద బీభత్సం నెలకొంది. తాజాగా స్పెయిన్‌లో వరదలు ముంచెత్తుతున్న ప్రాంతాలకు సంబంధించిన వీడియోలు సోషల్ మీడియాలో వైరల్ అవుతున్నాయి.
తాజాగా, ఓ రహదారిని వరద ముంచెత్తగా, కార్లు సైతం వెనక్కి కొట్టుకుపోతున్న దృశ్యాలు వైరల్ అవుతున్నాయి. కార్లలోని వారు నిస్సహాయంగా చూడడం తప్ప ఏమీ చేయలేని పరిస్థితిని ఆ వీడియోలో చూడొచ్చు.
రోడ్డుపైకి దూసుకొచ్చిన వరద నీరు కార్లను ఆటబొమ్మల్లా నెట్టుకుంటూ వెళుతుండగా, ప్రజల కార్ల టాప్ పైకి చేరుకుని ప్రాణాలు కాపాడుకునే ప్రయత్నం చేశారు.