వీడు తండ్రి కాదు.. ఓ కసాయి: పాప జుట్టును షాపింగ్ చేసే ట్రాలీకి కట్టి రాక్షసానందం!
టెక్సాస్‌కు చెందిన ఓ కసాయి తండ్రి కన్నబిడ్డను చిత్రహింసలకు గురిచేసి రాక్షసానందం పొందాడు. ఆ దుర్మార్గుడి చేష్టలను అడ్డుకునేందుకు ప్రయత్నించిన ఓ మహిళతో వాగ్వివాదానికి కూడా దిగాడు. దీంతో చిర్రెత్తుకొచ్చి
టెక్సాస్‌కు చెందిన ఓ కసాయి తండ్రి కన్నబిడ్డను చిత్రహింసలకు గురిచేసి రాక్షసానందం పొందాడు. ఆ దుర్మార్గుడి చేష్టలను అడ్డుకునేందుకు ప్రయత్నించిన ఓ మహిళతో వాగ్వివాదానికి కూడా దిగాడు. దీంతో చిర్రెత్తుకొచ్చిన ఆ మహిళ... అతడి చేష్టలను ఫోటో తీసి ఫేస్‌బుక్‌లో అప్ చేసి... ఇలాంటి నీచుడికి ఎలాంటి శిక్ష విధించాలంటూ కామెంట్ పెట్టింది. ఈ ఫోటో ఇపుడు సోషల్ మీడియాలో వైరల్‌గా మారింది.
ఈ వివరాలను పరిశీలిస్తే... ముద్దుగా బొద్దుగా ఉన్న ఆ పాప అల్లరి చేష్టలను చూసి ఆనందించాల్సిన ఆ తండ్రి... ఆ చిన్నారికి నరకం చూపించాడు. నిండా పదేళ్లు కూడా నిండని ఆ పాప జుట్టును షాపింగ్ చేసే ట్రాలీకి, తన చేతికి మధ్య ఉంచి ఈడ్చుకుపోయాడు. 'నాన్నా వద్దు నాన్నా.. నొప్పి లేస్తుంది.. ఆగు నాన్నా.. ఇంకెప్పుడూ నీకు నచ్చని పని చేయను. నీ మాటే వింటాను. ప్లీజ్ నాన్నా..' అంటూ తండ్రిని ప్రాధేయపడినా ఆ కసాయి తండ్రి వినిపించుకోలేదు. పైగా.. షాపింగ్ చేస్తున్నంతసేపూ ఆ మార్ట్‌లో తిప్పుతూ రాక్షసానందం పొందాడు.
టెక్సాస్‌లోని క్లెవెరాండ్ స్టోర్‌లో జరిగిన దారుణమింది. సోమవారం షాపింగ్‌కు వచ్చిన ఆ వ్యక్తి తన కూతురిని దారుణంగా హింసిస్తుండటంతో ఆ షాప్‌లో పనిచేసే ఎరికా బర్చ్ అనే మహిళ అడ్డుకుంది. దీంతో ఆమెతో అతడు వాగ్వివాదానికి దిగాడు. మీ పరిధిలో మీరు ఉండండి.. నా కూతురు నా ఇష్టం.. అంటూ హెచ్చరించాడు. దీంతో అతడు చేస్తున్న దారుణాన్ని ఫోటో తీసి ఫేస్‌బుక్‌లో పెట్టింది. ఈ విషయం కాస్త పిల్లల సంక్షేమ శాఖకు చేరింది. దీంతో వెంటనే రంగంలోకి దిగిన పోలీసులు ఆ కసాయి తండ్రి కోసం పోలీసులు గాలిస్తున్నారు.