శ్రీలంకలో ఎమర్జెన్సీ : 290కి చేరిన మృతులు

Webdunia
సోమవారం, 22 ఏప్రియల్ 2019 (19:59 IST)
శ్రీలంకలో ఎమర్జెన్సీ విధించారు. సోమవారం అర్థరాత్రి ఇది అమల్లోకి వచ్చింది. ఆ దేశ రాజధాని కొలంబోలో ఆదివారం వరుస బాంబు పేలుళ్లు చోటుచేసుకున్నాయి. సోమవారం కూడా మరో బాంబు పేలుడు సంభవించింది. భద్రతా బలగాలు గుర్తించిన బాంబును నిర్వీర్యం చేస్తుండగా, ఈ బాంబు పేలింది. కొలంబో బస్టాండుకు సమీపంలో మరో 87 డిటోనేటర్లను గుర్తించారు. 
 
ఈ పరిణామాలన్నింటినీ బేరీజు వేసిన శ్రీలంక ప్రభుత్వం అత్యవసర పరిస్థితి (ఎమర్జెన్సీ) ప్రకటించనుంది. ఇది సోమవారం అర్థరాత్రి నుంచి అమల్లోకి వస్తుంది (వచ్చింది). ఈ మేరకు అధ్యక్షుడు మైత్రిపాల సిరిసేన సర్కారు నిర్ణయం తీసుకున్నారు. 
 
కాగా, ఆదివారం ఈస్టర్ సందర్భంగా శ్రీలంకలోని చర్చిల్లో జరిగిన బాంబు పేలుళ్ల తర్వాత ప్రభుత్వం ఈ చర్య చేపడుతోంది. ఈ వరుస పేలుళ్లలో ఇప్పటివరకు 290 మంది చనిపోయారు. మరో 500 మందికి పైగా గాయపడ్డారు. ఈ పేలుళ్లలో 6 భారతీయ పౌరులు సహా 35 మంది విదేశీయులు ఉన్నారు. 
 
ఈ నేపథ్యంలో భారత కోస్ట్ గార్డ్ శ్రీలంక సరిహద్దుల్లో గస్తీని పెంచింది. శ్రీలంక నుంచి తప్పించుకొన్న ఆత్మాహుతి ఉగ్రవాదులు రావచ్చనే అనుమానాలతో భారత తీర రక్షక దళం ఈ చర్య తీసుకొంది. సిన్నామ గ్రాండ్ హోటల్ రెస్టారెంట్‌లో ఒక ఆత్మాహుతి దాడి చేసిన ఉగ్రవాది తనను తాను పేల్చుకొన్నట్టు సమాచారం. 
 
పేలుళ్లు జరపడానికి ఒక రాత్రి ముందే అతను హోటల్‌లోని ఒక గదిలో బస చేసిశాడు. పేలుడు జరిపిన ఉదయం అల్పాహారం స్వీకరించేందుకు అందరి కంటే ముందు లైన్‌లో నిలబడి ఈ మారణహోమానికి పాల్పడ్డాడు. ప్రస్తుతం ముగ్గురు అనుమానితులను అరెస్టు చేశారు. ఈ వరుస పేలుళ్లకు బాధ్యతను ఏ ఉగ్రవాద సంస్థ ఇప్పటివరకు ప్రకటించలేదు. 
 
ఇదిలావుంటే చర్చిలు, హోటళ్లలో వరుసగా జరిగిన బాంబు పేలుళ్ల కేసులో శ్రీలంక పోలీసులు ఇప్పటి వరకు 24 మందిని అరెస్ట్ చేశారు. అరెస్ట్ చేసిన వారి సమాచారాన్ని బహిర్గత పరచలేదు. వీరిలో 13 మందిని కొలంబో, చుట్టుపక్కల రెండు ప్రదేశాల నుంచి అరెస్టు చేసినట్టు తెలుస్తోంది. దశాబ్దం క్రితం ఎల్టీటీఈ అంతంతో పాటు ముగిసిందనుకున్న రక్తపాత పోరాటం తర్వాత ఈ వరుస పేలుళ్లు మరోసారి శ్రీలంకలో శాంతిని భంగం చేశాయి. 

సంబంధిత వార్తలు

అన్నీ చూడండి

టాలీవుడ్ లేటెస్ట్

Malavika Nair: శర్వా.. బైకర్ ఫస్ట్ ల్యాప్ గ్లింప్స్ థియేటర్లలో స్క్రీనింగ్

Thaman: బాలకృష్ణ.. అఖండ 2: తాండవం బ్యాగ్రౌండ్ స్కోర్ కోసం సర్వేపల్లి సిస్టర్స్

Dulquer : దుల్కర్ సల్మాన్.. కాంత నుంచి రాప్ ఆంథమ్ రేజ్ ఆఫ్ కాంత రిలీజ్

Rashmika: ది గర్ల్ ఫ్రెండ్ లో రశ్మికను రియలిస్టిక్ గా చూపించా : రాహుల్ రవీంద్రన్

Bhumi Shetty: ప్రశాంత్ వర్మ కాన్సెప్ట్ తో రాబోతున్న మహాకాళి చిత్రంలో భూమి శెట్టి లుక్

అన్నీ చూడండి

ఆరోగ్యం ఇంకా...

నాట్స్ విస్తరణలో మరో ముందడుగు, షార్లెట్ చాప్టర్ ప్రారంభించిన నాట్స్

కార్తీక మాసంలో నేతి బీరకాయ పచ్చడి ఎందుకు తింటారు? ఆరోగ్య ప్రయోజనాలు ఏమిటి?

ప్రపంచ స్ట్రోక్ దినోత్సవం వేళ తెలంగాణలో అత్యంత అధునాతన రోబోటిక్స్- రికవరీ ల్యాబ్‌ను ప్రారంభించిన హెచ్‌సిఎహెచ్

మారుతున్న రుతువులు: ఈ సమయంలో రోగనిరోధక శక్తిని పెంచుకోవడం ఎలా?

పింక్ రిబ్బన్‌కు మించి: అపోహలు పటాపంచలు, జీవితాల్లో స్ఫూర్తి

తర్వాతి కథనం
Show comments