డోనాల్డ్ ట్రంప్ చనిపోయారా? అమెరికాలో కలకలం రేపిన ట్వీట్

అమెరికా మాజీ అధ్యక్షుడు డోనాల్డ్ ట్రంప్ చనిపోయినట్టు ఓ వార్త ప్రచారమైంది. ఈ వార్త ట్రంప్ పెద్ద కుమారుడు ట్విట్టర్ ఖాతా హ్యాండిల్ నుంచి పోస్ట్ అయింది. దీంతో ట్రంప్ చనిపోయారనే వార్త అమెరికా వ్యాప్తంగా విస్తృతంగా వ్యాపించి కలకలం రేపింది. ఆ తర్వాత ఈ వార్తలో నిజం లేదని, ట్రంప్ జూనియర్ ఖాత్ హ్యాక్ అయినట్టు గుర్తించారు. అలాగే, తాను మరణించినట్టుగా సాగిన ప్రచారాన్ని కూడా మాజీ అధ్యక్షుడు ట్రంప్ ఖండించారు. 

గురువారం ఉదయం ట్రంప్ పెద్ద కుమారుడు కాఖా నుంచి తన తండ్రి మృతి చెందారంటూ ఎక్స్ వేదికగా పోస్ట్ వచ్చింది. అంతేకాకుండా 2024 ఎన్నికల్లో తాను పోటీ చేస్తానని కూడా అందులో ఉంది. అయితే, ఈ ఖాతా హ్యాక్ అయినట్టు గుర్తించి ఈ పోస్టును తొలగించారు. ఇందుకు సంబంధించిన స్క్రీన్ షాట్ సోషల్ మీడియాలో చక్కర్లు కొడుతుంది. 

మరోవైపు, తాను మృతి చెందినట్టు సోషల్ మీడియాలో జరుగుతున్న ప్రచారంపై ట్రంప్ ఆగ్రహం వ్యక్తం చేశారు. తాను ఇంకా బతికే ఉన్నానంటూ మరో సోషల్ మీడియా వేదిక ట్రూత్‌లో స్పష్టం చేశారు.