రొమాంటిక్ మూడ్‌లో న్యూ కపుల్స్... వరుడు తలపాగాను లాగేసిన జిరాఫీ

వారిద్దరూ కొత్తగా పెళ్లి చేసుకున్నారు. వివాహం తర్వాత పర్యాటక అందాలు తిలకించేందుకు వెళ్లారు. అలా తిలకిస్తూ.. రొమాంటిక్ మూడ్‌లో నిలబడి ఫోటోలకు ఫోజులిస్తున్నారు. ఇంతలో వెనుక నుంచి వచ్చిన జిరాఫీ వరుడు పెట్టుకున్న తలపాగాను లాగేసింది. దీంతో ఆ జంట కాస్తంత ఆందోళనకు గురై, తలపాగాను అందుకునేందుకు పైకి ఎగిరారు. ఇంతలో ఎత్తుగా ఉండే ఓ వ్యక్తి వచ్చి ఆ తలపాగాను పట్టుకోవడంతో జిరాఫీ దాన్ని వదిలివేసింది. దీంతో కొత్త జంట ఊపిరి పీల్చుకుని నవ్వుల్లో మునిగిపోయారు. ఈ ఘటన కాలిఫోర్నియాలో జరిగింది. దీనికి సంబంధించిన వీడియో ఒకటి ఇపుడు వైరల్ అయింది.

ఈ వివరాలను పరిశీలిస్తే, భారత సంతతికి చెందిన అమీశ్, మేఘనాలకు వివాహం వైభవంగా జరుగగా, వారిద్దరూ ఫొటోలు తీయించుకునేందుకు మలీబు ప్రాంతంలోని సాడల్ రాక్ వద్దకు వెళ్లారు. అక్కడ వీరిద్దరూ పోజులిస్తుండగా, పక్కనే ఉన్న ఫెన్సింగ్ వెనుక ఉన్న ఓ జిరాఫీ వారి వద్దకు వచ్చింది. 

అది ఏమైనా ఆకలితో వుందేమో... వరుడి తలపాగాను పట్టుకుంది. దీన్ని గమనించిన వధువు సిగ్గుపడుతూ జిరాఫీని వారించే ప్రయత్నం చేసినా, అది వినలేదు. ఈలోగా మరో వ్యక్తి వచ్చి, తలపాగాను జిరాఫీ నోటి నుంచి లాగేసి వరుడికి ఇచ్చాడు. ఇందుకు సంబంధించిన వీడియో ఇప్పుడు వైరల్ అయింది. దాన్ని మీరు కూడా చూడవచ్చు.