బాలీవుడ్లో వీర్యదానంపై వచ్చిన 'విక్కీ డోనర్' చిత్రం అందరికి తెలిసిందే. దాన్నే 'నరుడా డోనరుడా' పేరుతో తెలుగులోనూ రీమేక్ చేశారు. వీర్య దానంపై విక్కీ డోనర్, నరుడా డోనరుడా వంటి సినిమాలు గుర్తుండే వుంటా
బాలీవుడ్లో వీర్యదానంపై వచ్చిన 'విక్కీ డోనర్' చిత్రం అందరికి తెలిసిందే. దాన్నే 'నరుడా డోనరుడా' పేరుతో తెలుగులోనూ రీమేక్ చేశారు. వీర్య దానంపై విక్కీ డోనర్, నరుడా డోనరుడా వంటి సినిమాలు గుర్తుండే వుంటాయి. సంతానోత్పత్తి కోసం సామర్థ్యంలేని దంపతులకు వైద్యులు మరొకరి వీర్యం లేదా అండాన్ని కలిపి గర్భధారణ చేస్తుంటారు. ఈ తరహా సంతానోత్పత్తికి ప్రస్తుతం ఆదరణ బాగానే పెరుగుతోంది. దీంతో వీర్యం దానం చేసేవారి కోసం ఆస్పత్రులు ఎదురుచూస్తున్నాయి. వీర్యం, అండం దానం చేసేవారికి అమెరికాకు చెందిన ఓ ఆస్పత్రి భారీ ఆఫర్ చేసింది.
జన్యుపరంగా సరైన వ్యక్తి ఇచ్చే వీర్యానికి రూ.3.5కోట్లు ఇస్తామని ప్రకటించింది. వీర్యం.. అండం దానం చేసిన వారి చదువు సంధ్యలు.. కుటుంబ నేపథ్యం.. ఆరోగ్య పరిస్థితి.. డీఎన్ఏలను పరిశీలిస్తారు. ఆయా అంశాల్లో ఉన్నత ప్రమాణాలను కలిగి ఉంటే వారి నుంచి వీర్యం.. అండం సేకరిస్తారు. అందుకు ప్రతిగా రూ.3.5కోట్ల రూపాయలు అందిస్తామని ప్రకటించారు.
జన్యువుల ప్రభావం వల్ల తల్లిదండ్రులు ఏవిధంగా ఉంటే పిల్లలు ఆ విధంగానే ఉంటారు. ఎవరి పిల్లలు వారిలాగే జీవిస్తారు. అందుకే అమెరికాలోని డెలావర్ ప్రాంతంలోని ప్యురెనెటిక్ ఎల్ఎల్సీ సంస్థ నాణ్యమైన.. మేటి వీర్యం.. అండం కనుగొనాలని భావించి ప్రకటన చేసింది. పురుషులు, మహిళలు మేటి వీర్యంతో పాటు అండాన్ని దానం చేయాలని పిలుపు నిచ్చింది. ఇందుకోసం ఆస్పత్రికి సంబంధించిన సంస్థ వెబ్ సైట్లో రిజిస్టర్ చేసుకోవాల్సి ఉంటుంది.