భూమికి చెడుకాలం? 2017 అక్టోబర్‌లో 'నిబిరు' ఏడు గ్రహాలను వెంట తీసుకొస్తుందా? బైబిల్ ఏమంటోంది?

20వ సెంచరీలో భూమి అంతరించిపోనుందని బాగా ప్రచారం జరిగింది. ముఖ్యంగా 12-12-2012లో దీవి ప్రభావం తీవ్రంగా కనిపించింది. కానీ ఎలాంటి విపత్తులు సంభవించకపోవడంతో మానవాళి ఊపిరి పీల్చుకున్నారు. కానీ తాజాగా 2017ల

20వ సెంచరీలో భూమి అంతరించిపోనుందని బాగా ప్రచారం జరిగింది. ముఖ్యంగా 12-12-2012లో దీవి ప్రభావం తీవ్రంగా కనిపించింది. కానీ ఎలాంటి విపత్తులు సంభవించకపోవడంతో మానవాళి ఊపిరి పీల్చుకున్నారు. కానీ తాజాగా 2017లో భూమికి అంతరించిపోయే రోజులు దగ్గరపడుతున్నాయని డేవిడ్ మీడే అనే రచయిత ప్లానెట్ టెన్- ది 2017 అరైవల్ అనే పుస్తకంలో పేర్కొన్నారు. 

ఈ టైటిల్ ప్రకారం భూమివైపు పదో గ్రహం దూసుకొస్తుందని స్పష్టం చేసేశాడు. వందేళ్ల క్రితం కక్ష్యలోని ఇతర గ్రహాలను నిబిరు అనే గ్రహం విచ్ఛిన్నం చేసింది. ఇది ప్రస్తుతం సౌరవ్యవస్థలో పదో గ్రహంగా పరిగణింపబడుతోంది. ఈ గ్రహం తానొక్కటే కాకుండా తనతో పాటు మరో ఏడుగు విచ్ఛిన్న గ్రహాలను కూడా వెంటబెట్టుకుని వస్తుందని శాస్త్రవేత్తలు అంటున్నారు. 

గురుత్వాకర్షణ ప్రభావం నుంచి, సౌర వ్యవస్థ నుంచి బయటపడిన ఈ గ్రహం 2017 అక్టోబర్ లో భూమిని తాకే అవకాశముందని వారు అంచనా వేస్తున్నారు. కానీ జరుగుతుందని కచ్చితంగా చెప్పేందుకు సరైన ఆధారాలు లేవని డేవిడ్ చెప్తున్నారు. ఈ నిబిరు గ్రహం ఏ దిశగా వస్తుందనే విషయాన్ని గుర్తించడం కష్టమన్నారు. 

కానీ నిబిరు రాకను దక్షిణ అమెరికాలోని ఎత్తైన ప్రదేశాల్లో అత్యాధునిక కెమెరాలను ఏర్పాటు చేసి అధ్యయనం చేస్తే తేలుతుందని.. ఈ గ్రహం భూమిని ఏ దిశ నుంచి ఢీ కొడుతుందో గుర్తించే వీలుటుందని డేవిడ్ వెల్లడించారు. ఈ వాదనకు మతపరమైన అంశాలు కూడా తోడు అయ్యాయి. ఈ విషయం క్రైస్తవ పవిత్ర గ్రంథమైన బైబిల్‌లో కూడా ఉందంటున్నారు. అయితే ఈ వార్తలను నాసా కొట్టి పారేసింది. నిబిరు అనే గ్రహం సౌర కుటుంబంలోనే లేదని తేల్చేసింది.