గుడ్‌ లక్ కాయిన్‌తో ఆ వెర్రి వెంగళప్ప చేసిన పనికి విమానాన్ని ఆపేశారు...

ప్రయాణంలో ఎటువంటి ఆటంకాలు ప్రమాదాలు జరగకుండా సాగాలని లేకుండా గుడ్‌ లక్ కాయిన్‌ను ఓ వెర్రి వెంగళప్ప విమానం ఎడమ వైపు ఇంజిన్‌లోకి విసిరాడు. దీంతో విమాన సిబ్బంది ముప్పు తిప్పలు పెట్టింది. చివరకు ఆ విమానం ఇంజిన్‌లో సాంకేతిక లోపం తలెత్తింది. ఫలితంగా ఆ విమానం నిలిపివేయాల్సిన పరిస్థితి ఏర్పడింది. 

ఈ వివరాలను పరిశీలిస్తే, చైనాకు చెందిన లూ అనే 28 యేళ్ల వ్యక్తి తన భార్య, యేడాది కుమారుడితో కలిసి అన్హుయిలోని విమానాశ్రయంలో లక్కీ ఎయిర్ ఫ్లైట్ 8ఎల్9960 విమానంలో యున్నన్‌కు బయల్దేరేందుకు వచ్చాడు. అతనికి విమానం ఎక్కటం అదే ఫస్ట్ టైమ్. ప్రయాణంలో ఎటువంటి ఆటంకాలు.. ప్రమాదాలు జరగకుండా సాగాలని లేకుండా.. 'గుడ్ లక్ కాయిన్స్'ను విమానం ఎడమ వైపు ఇంజిన్‌లోకి విసిరాడు. 

లూ విసిరిన నాణెలు నేరుగా ఇంజిన్‌కి వెళ్లి టర్బైన్‌ను ధ్వంసం చేశాయి. ఇంజిన్ ఫెయిల్ కావడంతో విమానాన్ని నిలిపివేశారు. లూ నిర్వాకానికి విమానంలోని 162 మంది ప్రయాణికులు రోజంతా పడిగాపులుపడాల్సి వచ్చింది. ఇది తెలుసుకున్న విమానాశ్రయం అధికారులు లూను అదుపులోకి తీసుకున్నారు. 

ఇంజిన్‌కి నాణెలు విసరడం వల్ల 14.87 లక్షల నష్టం వాటిల్లిందని లక్కీ ఎయిర్ ఆ మొత్తాన్ని లూ నుంచే వసూలు చేస్తామని తెలిపింది. 2017లో కూడా లక్కీ ఎయిర్ సంస్థ ఇదే పరిస్థితిని ఎదుర్కొంది. 76 ఏళ్ల వృద్ధురాలు విమానం ఇంజిన్‌లోకి గుడ్ లక్ నాణేలు విసిరింది. 

అదే ఏడాది చైనాకు చెందిన సదరన్ ఎయిర్ లైన్స్ విమానం ఇంజిన్‌లో కూడా ఓ యువతి నాణేలు విసిరి సిబ్బందిని పరుగులు పెట్టించింది. ప్రయాణాల సమయంలో చైనీయులు గుడ్ లక్ నాణేలను విసురుతుంటారు. దీనివల్ల తమ ప్రయాణానికి ఎలాంటి ఆటంకం కలగదనేది వారి విశ్వాసం. అదే ఇప్పుడు వారిని ఇబ్బందుల్లోకి నెడుతోంది.