Webdunia - Bharat's app for daily news and videos

Install App

స్పైడర్ మ్యాన్ కావాలని చచ్చిబతికిన అన్నదమ్ములు.. ఎలా?

Webdunia
మంగళవారం, 26 మే 2020 (17:13 IST)
వెండితెరపై స్పైడర్ మ్యాన్ సాహసాల గురించి ప్రత్యేకంగా చెప్పనక్కర్లేదు. ఈ స్పైడర్ మ్యాన్‌ మాయలో పడిపోయిన కొందరు చిన్నారులు కూడా అదే తరహా సాహసాలు చేసి ప్రమాదంలోపడిన సంఘటనలు అనేకం ఉన్నాయి. తాజాగా ముగ్గురు అన్నదమ్ములు స్పైడర్ మ్యాన్ కావాలని విషపు పురుగులతో విషపూరిత సాలీడుతో కుట్టించుకున్నారు. దీంతో ఆ ముగ్గురు అన్నదమ్ములు మరణం అంచుల వరకు వెళ్లారు. అయితే వైద్యులు పుణ్యమాని వారు తిరిగి కోలుకున్నారు. ఈ ఘటన బొలీవియా దేశంలో జరిగింది. 
 
తాజాగా వెలుగులోకి వచ్చిన ఈ వివరాలను పరిశీలిస్తే, బొలీవియా దేశానికి చెందిన 8, 10, 12 యేళ్ళ వయస్సున్న ముగ్గురు అన్నదమ్ములు స్పైడర్ మ్యాన్‌లా మారాలని భావించారు.
 
అచ్చం స్పైడర్ మ్యాన్‌లా మారేందుకు వీలుగా ఈ నెల 14వ తేదీన ఓ ప్రమాదకర బ్లాక్ విడో సాలీడును పట్టుకుని దాన్ని ఓ కర్రతో పొడిచారు. అది ప్రతిస్పందనగా కుట్టడం ప్రారంభించింది. అన్నదమ్ములు ముగ్గురూ వరుసగా దాంతో కుట్టించుకున్నారు. 
 
స్పైడర్ మ్యాన్ లక్షణాలు కనిపించలేదు సరికదా, కాసేపటికే కళ్లు తేలేయడం మొదలుపెట్టారు. దాంతో తల్లి ఆందోళనకు గురై వారిని ఆసుపత్రిలో చేర్చింది. అప్పటికే సాలీడు విషం శరీరం మొత్తం పాకడంతో వారి పరిస్థితి విషమించింది. దాంతో వారిని మరో ఆసుపత్రికి తరలించారు.
 
అక్కడ కూడా ప్రయోజనం కనిపించకపోవడంతో లాపాజ్‌లోని చిన్నపిల్లల ఆసుపత్రికి తరలించారు. అప్పటికే వారు జ్వరం, వణుకు, ఒళ్లంతా చెమటలు పట్టడం, కండరాల నొప్పితో బాధపడుతున్నారు. లాపాజ్ ఆసుపత్రి వైద్యులు ఎంతో శ్రమించి వారిని ఆరోగ్యవంతుల్ని చేశారు. 
 
మరో వారం తర్వాత ఆ ముగ్గురు అన్నదమ్ములు డిశ్చార్జి కానున్నారు. దీనిపై బొలీవియా ఆరోగ్య మంత్రిత్వ శాఖలోని ఎపిడెమాలజీ చీఫ్ వర్జీలియో పీట్రో మాట్లాడుతూ, సినిమాల్లో చూపించేదంతా నిజం కాదని పిల్లలు తెలుసుకోవాలని, ఈ ఘటన వారికో కనువిప్పు వంటిదని అభిప్రాయపడ్డారు.

సంబంధిత వార్తలు

అన్నీ చూడండి

టాలీవుడ్ లేటెస్ట్

శ్వేతా మీనన్ అశ్లీల కంటెంట్‌ చిత్రంలో నటించారా? కేసు నమోదు

అనుష్క శెట్టి, క్రిష్ జాగర్లమూడి కాంబినేషన్ ఫిల్మ్ ఘాటీ రిలీజ్ డేట్ ఫిక్స్

కిరణ్ అబ్బవరం K-ర్యాంప్ సినిమా నుంచి ఓనమ్ లిరికల్ సాంగ్

Vijay Deverakonda: బెట్టింగ్ యాప్ గురించి క్లారిఫై ఇచ్చిన విజయ్ దేవరకొండ

రేణూ దేశాయ్ నటించిన బ్యాడ్ గాళ్స్ అమ్మోరులా వుంటుంది : డైరెక్టర్ మున్నా

అన్నీ చూడండి

ఆరోగ్యం ఇంకా...

కదంబ వృక్షం ఆరోగ్య ప్రయోజనాలు

పప్పు పూర్ణాలు ఆరోగ్య ప్రయోజనాలు

కౌగిలింత, ఆలింగనంతో అంత మంచిదా.. ప్రేమ, ఓదార్పు కోసం హగ్ చేసుకుంటే?

మహిళలూ రాత్రిపూట కాఫీ తీసుకుంటున్నారా?

డయాబెటిస్ డిస్ట్రెస్ మరియు బర్నౌట్, ఏంటివి?

తర్వాతి కథనం
Show comments