కొందరైతే ఉదయాన్నే లేవగానే టీ తాగుతుంటారు. రోజంతా పనిచేసి అలసిపోయిన వారికి ఉదయాన్నే లేచి కప్పు టీ తాగితే ఎంతో ప్రశాంతంగా ఉంటుందని చెప్తుంటారు. ఈ చలికాలంలో చలిగాలి కారణంగా శరీరం మరింత అలసట అనిపిస్తుంది. అలాంటప్పుడు కప్పు టీ తీసుకుంటే.. చాలు. సాధారణంగా టీ అంటే.. ప్రతీ ఒక్కరూ తయారుచేసే విధంగా.. పాలు అందులోకి టీ పొడి, చక్కెర ఉపయోగిస్తారు. ఈ విధానం కంటే.. మరికొన్ని రకాల టీలు ఎలా తయారుచేయాలో వాటిని తీసుకోవడం వలన కలిగే లాభాలు ఓసారి తెలుసుకుందాం..
బాదం టీ:
కావలసిన పదార్థాలు.. టీ పొడి, బాదం పప్పులు, పాలు, నిమ్మరసం, చక్కెర. ఎలా చేయాలో చూద్దాం.. ముందుగా నీటిని వేడిచేసి అందులో సన్నగా తరిగిన బాదం పప్పులు వేసి మరిగించాలి. ఆపై టీ పొడి, పాలు పోసి ఓ 10 నిమిషాల పాటు మరిగించి.. తరువాత అందులో చక్కెర, తేనె లేదా నిమ్మరసం కలిపి తాగితే.. ఎంతో రుచిగా ఉంటుంది. ఈ టీ తీసుకోవడం వలన తలనొప్పి తగ్గడమే కాకుండా.. రోజంతా ఎనర్జీగా ఉంటారు.
దాల్చిన చెక్క టీ:
కావలసిన పదార్థాలు.. దాల్చిన చెక్క, అల్లం, బ్లాక్ టీ ఆకులు, నిమ్మ, పుదీనా ఆకులు.
ఎలా చేయాలంటే.. ముందుగా ఓ గిన్నెలో 3 కప్పుల నీరు పోసి బాగా మరిగించి.. ఆపై దాల్చిన చెక్క పొడి, అల్లం పేస్టే, టీ ఆకులు వేసి మరికాసేపు బాగా మరిగించుకోవాలి. చివరగా నిమ్మరసం కలిపి పుదీనా ఆకులు పైన చల్లి తీసుకుంటే.. ఎంతో రుచిగా ఉంటుంది.
ఈ టీ తాగడం వలన శరీరంలోని వ్యర్థాలు తొలగిపోతాయి. దాంతో పాటు చలికాలంలో వచ్చే జలుబు, దగ్గు, జ్వరం వంటి సమస్యల నుండి ఉపశమనం లభిస్తుంది. బయటదొరికే మందులు, మాత్రలు వాడడం కంటే వంటింటిలోని ఈ పదార్థాలతో టీ చేసుకుని తాగితే చాలు. ఎలాంటి వ్యాధులనైన తొలగించవచ్చును.