ప్రముఖ గాయని రిహన్నా ఏడు సంవత్సరాల తర్వాత సూపర్ బౌల్‌లో పాల్గొనడం అభిమానులను మంత్రముగ్ధులను చేసింది. అదే సమయంలో గర్భవతిగా ఉన్న ఆమె పాడడం, డ్యాన్స్ చేయడం చర్చనీయాంశంగా మారింది.
వెస్ట్రన్ సింగర్ రిహన్నా చాలాకాలం విరామం తర్వాత తిరిగి వేదికపైకి వచ్చింది. తన అసాధారణ ప్రదర్శనతో అదరగొట్టింది. నృత్యంతో ఆమె అభిమానులను ఉర్రూతలూగించింది. అమెరికాలోని గ్లెన్‌డేల్‌లో జరిగిన సూపర్ బౌల్ 57 ఈవెంట్‌లో పాల్గొన్న ఆమె తన ఆటలోని మరో ఆసక్తికరమైన భాగాన్ని అభిమానులతో పంచుకుంది.
34 ఏళ్ల రిహన్నా ప్రస్తుతం తన రెండవ బిడ్డకు జన్మనివ్వనుంది. ప్రస్తుతం ఆమె మూడు నెలల గర్భవతి. సూపర్ బౌల్ వేదిక వద్ద ఫ్లోటింగ్ గ్లాస్ వేదికపై నేరుగా 13 నిమిషాల పాటు పాత క్లాసిక్ హిట్‌లకు పాడుతూ, డ్యాన్స్ చేస్తూ ప్రేక్షకులను మంత్రముగ్ధులను చేశారు.
రిహన్న గర్భవతి అని ఆమె ప్రతినిధి ధృవీకరించడంతో సోషల్ మీడియాలో ఆమెను ట్రోల్స్ చేస్తున్నారు. గతేడాది మేలో ఆమె మొదటి బిడ్డకు జన్మనిచ్చింది.