గుండె పదిలంగా ఉండాలనుకోవారికి స్ట్రాబెరీ..

ఎరుపు రంగులో, హృదయాకారంలో ఉండే స్ట్రాబెర్రీ పోషకాల నిధి. అందుకే వీటిని ఫ్రూట్ సలాడ్స్‌‌లో, ఐస్‌‌క్రీమ్‌‌ల తయారీలో విరివిగా వాడతారు. ఎక్కువ పీచు, తక్కువ క్యాలరీలతో నిండిన ఈ పండును ఆరోగ్యసిరి అనొచ్చు. స్ట్రాబెర్రీ వల్ల ఆరోగ్యానికి కలిగే లాభాలేంటో తెలుసుకుందా.

*స్ట్రాబెర్రీలలో సి, కె వంటి విటమిన్లు, పొటాషియం, మెగ్నీషియం, మాంగనీస్ వంటి మినరల్స్ అధికంగా ఉంటాయి. విటమిన్ సి రోగనిరోధక శక్తిని పెంచుతుంది.

*దీనిలోని పొటాషియం, మెగ్నీషియం హైపర్‌‌టెన్షన్‌ను తగ్గిస్తాయి. హృదయ కండరాలు గట్టిపడడాన్ని అడ్డుకుంటాయి. దాంతో శరీర భాగాలకు రక్త సరఫరా సవ్యంగా జరుగుతుంది.

*ఈ పండ్లలో యాంటీ ఇన్‌ఫ్లమేటరీ గుణాలు రక్తనాళాల్లో రక్తం గడ్డకట్టడాన్ని నివారించి, గుండె పోటు ప్రమాదం నుంచి కాపాడతాయి. 

*బరువు తగ్గాలనుకునే వారికి స్ట్రాబెర్రీ మంచి ఛాయిస్. ఎందుకంటే దీనిలో కొవ్వును కరిగించే లెప్టిన్, అడిపోనెక్టిన్ వంటి హార్మోన్లు ఉంటాయి. ఇవి ఆకలిని తగ్గించి, రక్తంలో చక్కెర శాతం పెరగకుండా చూసి, బరువు తగ్గడంలో తోడ్పడతాయి.

*గర్భిణులు ఈ పండు తింటే వారికి అవసరమైన ఫోలిక్ ఆమ్లం లభిస్తుంది. ఇది పుట్టబోయే బిడ్డలో లోపాలు ఏర్పడకుండా చూస్తుంది.

*స్ట్రాబెర్రీలో యాంటి ఆక్సిడెంట్లు రక్తనాళాలను రిలాక్స్ చేస్తాయి. రక్తపీడనాన్నితగ్గించి, గుండె సంబంధ వ్యాధుల్ని నివారిస్తాయి.

*కళ్ల మీద స్ట్రాబెర్రీ ముక్కలను పదినిమిషాల పాటు ఉంచితే, కళ్ల కింద వలయాలు తగ్గిపోతాయి.