రోజూ ఒక గ్లాసు బీరకాయ రసం తాగితే...

ప్రస్తుత సీజన్‌లో బీరకాయలు చాలా చౌకగా విరివిగా దొరకుతుంటాయి. పీచు పదార్థం అధికంగా ఉండే బీరకాయ ఆరోగ్యానికి ఎంతో మేలు చేస్తుంది. బీరకాయలో సి విటమిన్, ఐరన్ రిబోఫ్లేవిన్, మెగ్నీషియం, థయామిన్‌తో పాటు అనేక రకాల ఖనిజ లవణాలుంటాయి. బీరకాయలో కొవ్వు, కొలెస్ట్రా

ప్రస్తుత సీజన్‌లో బీరకాయలు చాలా చౌకగా విరివిగా దొరకుతుంటాయి. పీచు పదార్థం అధికంగా ఉండే బీరకాయ ఆరోగ్యానికి ఎంతో మేలు చేస్తుంది. బీరకాయలో సి విటమిన్, ఐరన్ రిబోఫ్లేవిన్, మెగ్నీషియం, థయామిన్‌తో పాటు అనేక రకాల ఖనిజ లవణాలుంటాయి. బీరకాయలో కొవ్వు, కొలెస్ట్రాల్, కేలరీలు తక్కువ. కాబట్టి బరువు తగ్గాలనుకునే వారికి ఇది చాలా మంచి ఆహారం. 

సెల్యులోజ్, నీటిశాతం బీరకాయలో ఎక్కువ కావున మలబద్ధకం, పైల్స్ సమస్యతో బాధపడేవారికి ఇది చక్కని ఉపశమాన్ని ఇస్తుంది.  రక్తంలోనూ మూత్రంలోనూ చక్కెర స్థాయిలను తగ్గిస్తుంది. కాబట్టి మధుమేహ వ్యాధిగ్రస్తులు దీనిని తీసుకుంటే చాలా మంచిది. ఇందులో బీటాకెరోటిన్ సమృద్ధిగా ఉంటుంది. ఇది కంటిచూపును మెరుగుపరుస్తుంది. 

బీరకాయ రక్తాన్ని శుద్ధి చేస్తుంది. చర్మాన్ని మెరుగుపరుస్తుంది. మొటిమలు, యాక్నె సమస్యలు తొలగిపోతాయి. దేహం నుంచి ఆల్కహాల్ కారక వ్యర్థాలను తొలగించి కాలేయం, గుండె ఆరోగ్యాన్ని కాపాడుతుంది. కామెర్ల వ్యాధి సహజంగా తగ్గాలంటే రోజూ ఒక గ్లాసు బీరకాయ రసం తాగితే చాలు. ఇది వ్యాధి నిరోధక శక్తిని పెంచుతుంది.