వేసవికాలంలో చమట పొక్కుల నుండి ఉప‌శ‌మ‌నం ఎలా..?

బియ్యము లేక నూకలు విసిరి పిండిగా చేసి, ఈ మెత్తటి పిండిలో కొద్దిగా నీరు చేర్చి ముద్దలా చేసుకోవాలి. ఈ ముద్దను వంటికి అంతట పూసి, 3 -4 నిముషాలు ఆగి, సబ్బు వాడకుండా, శుభ్రంగా స్నానము చేయాలి. ఇలా వారానికి 3 సార్లు స్నానము చేస్తే చర్మంపై ఉన్న చమటకాయలు తగ్గి

బియ్యము లేక నూకలు విసిరి పిండిగా చేసి, ఈ మెత్తటి పిండిలో కొద్దిగా నీరు చేర్చి ముద్దలా చేసుకోవాలి. ఈ ముద్దను వంటికి అంతట పూసి, 3 -4 నిముషాలు ఆగి, సబ్బు వాడకుండా, శుభ్రంగా స్నానము చేయాలి. ఇలా వారానికి 3 సార్లు స్నానము చేస్తే చర్మంపై ఉన్న చమటకాయలు తగ్గిపోయి శరీరం నునుపుగా మారుతుంది. ఎండాకాలం చికాకు తొలగిపోయి హాయిగా ఉంటుంది.

ఈవిధంగా చేసిన త‌రువాత‌, చర్మంపై మరిన్ని చమటకాయలు రాకుండా ఉండటానికి స్నానం చేసిన తర్వాత మంచి గంధాన్ని అరగదీసి చేతులు, వీపు, మెడ, నడుముకు రాసుకోవాలి. అలాగే స్నానం చేసే ముందు తులసి ఆకులు, తమలపాకులు కలిపి దంచి ఆ మిశ్రమాన్ని ఒళ్ళంతా రుద్దుకొని ఓ గంట తర్వాత స్నానం చేయాలి. ఇలా చేస్తే చమటకాయల సమస్య నుంచి బయటపడవచ్చు.

వేసవిలో ఆకుకూరలు, కాయగూరలు అధికంగా వాడాలి. పండ్లు, మజ్జిగ, కొబ్బరి నీళ్ళు, పండ్లరసాలు మేలు చేస్తాయి. అలాగే ఉదయం వేళల్లో ఇడ్లీ, ఉప్మా వంటి తేలిక పదార్ధాలు తీసుకుంటే మంచిది.