• అప్పుడప్పుడూ దీర్ఘ శ్వాస తీసుకుని వదలడం అలవాటుగా మార్చుకోండి. దీంతో శరీరంలోని కండరాలు సంకోచించి, వ్యాకోచిస్తాయి. దీనివల్ల క్యాల‌రీలు కరుగుతాయి. ఆఫీసులో ఉన్నా, ఇంట్లో టీవీ చూస్తున్నా సరే వీటిని సులభంగా చేయొచ్చు.
• అప్పుడప్పుడూ దీర్ఘ శ్వాస తీసుకుని వదలడం అలవాటుగా మార్చుకోండి. దీంతో శరీరంలోని కండరాలు సంకోచించి, వ్యాకోచిస్తాయి. దీనివల్ల క్యాల‌రీలు కరుగుతాయి. ఆఫీసులో ఉన్నా, ఇంట్లో టీవీ చూస్తున్నా సరే వీటిని సులభంగా చేయొచ్చు.
• మామూలుగా నిద్రలేచే సమయాన్ని కాస్త ముందుకు జరుపుకుని, ఒక పదిహేను నిమిషాలు ముందే నిద్రలేచేలా చూసుకోండి. ఆ సమయంలో మీ పడక గదిలోనే కాసేపు స్కిప్పింగ్ చేస్తున్నట్టు మెల్లగా దూకండి. శరీరాన్ని ముందుకూ, వెనక్కి వంచండి. దీనివల్ల శరీరంలో అదనంగా చేరిన క్యాల‌రీలు కరుగుతాయి.
• అప్పుడప్పుడూ చూయింగ్‌ గమ్‌ని నమలండి. దవడ కండరాలు చక్కగా కదులుతాయి. దీనివల్ల క్యాల‌రీలు ఖర్చు కావడమే కాకుండా మిగతా చిరుతిళ్లు ఎక్కువగా తినే అవకాశం ఉండదు.
• మీ వెంట మంచినీళ్ల సీసాను పెట్టుకోండి. నీళ్లు తాగుతూ ఉండండి. ఎక్కువగా తాగడం వల్ల శరీరంలోని వ్యర్థాలు పోవడమే కాదు, శరీరం తేమగా ఉంటుంది. క్యాల‌రీలూ ఖర్చవుతాయి.
• టీవీ చూస్తున్నప్పుడు కింద కూర్చోవడానికి ప్రాధాన్యత ఇవ్వాలి. అలా ఏదైనా పనిపడి లేచినప్పుడల్లా శరీరానికి ఎంతో కొంత వ్యాయామం అందినట్లు ఉంటుంది. కూర్చున్నప్పుడు మెడను సాగదీయడం, చేతుల్ని కదిలించడం కూడా చాలా మేలు చేస్తాయి.