శరీరంలో హానికరమైన కొవ్వులను కరిగించాలంటే.. కొత్తిమీర తీసుకోవాల్సిందే అంటున్నారు.. ఆరోగ్య నిపుణులు. రోజూ ఆహారంలో కొత్తిమీర తీసుకోవడంతో పాటు వారానికి రెండుసార్లైనా కొత్తిమీరను పచ్చడి రూపంలో తీసుకోవాలని ఆరోగ్య నిపుణులు సూచిస్తున్నారు.
గార్నిష్ కోసమే కాకుండా కొత్తిమీరను రోజూ వాడే చట్నీలలో చేర్చి రుబ్బుకుని తీసుకోవడం ద్వారా అలెర్జీలు దూరమవుతాయి. ఇందులోని యాంటీ-యాక్సిడెంట్లు.. ఆరోగ్యానికి చాలా మేలు చేస్తాయి. కంటికి సంబంధించిన వ్యాధుల నివారణకు కొత్తిమీర దివ్యౌషధంగా పనిచేస్తుంది.
కీళ్ల నొప్పులను తగ్గిస్తాయి. ఆరోగ్యకరమైన కొవ్వుల స్థాయిలు పెరిగేందుకు తోడ్పడుతాయి. చర్మ సౌందర్యాన్ని కాపాడుతాయి. మొటిమలు, పొడి చర్మం, నల్లటి మచ్చల నివారణకు కొత్తిమీరతో తయారైన ఔషధాలు ఉపకరిస్తాయి. కొత్తిమీర శరీరంలో ఇన్సులిన్ తయారీని పెంచుతుంది. తద్వారా రక్తంలోని చక్కెర స్థాయిలను తగ్గించుకోవచ్చు.
కొత్తిమీరలోని ఎసెన్షియల్ ఆయిల్స్ వల్ల తలనొప్పి, మానసిక అలసట, ఒత్తిడి తగ్గిపోతుంది. కొత్తిమీరలోని జింక్, కాపర్, పొటాషియం పుష్కలంగా వుంటుంది. జీర్ణకోశ వ్యాధుల నివారణకు కొత్తిమీర ఎంతగానో ఉపకరిస్తుందని ఆయుర్వేద నిపుణులు సూచిస్తున్నారు.