నిద్రకు మోకాలి నొప్పులకు సంబంధం వుందంటున్నాయి పరిశోధనలు. నిద్ర తగ్గితే మోకాలి నొప్పులు ఎక్కువవుతాయని చెపుతున్నాయి. మనం మేల్కొని వున్నప్పుడు మోకాలి దగ్గర ఎక్కువ కణజాలం చేరుతుంటుందట. నిద్ర సమయంలో ఉత్పత్తయ్యే కొన్ని హార్మోన్లు వాటిని కరిగిస్తాయి. నిద్రల
నిద్రకు మోకాలి నొప్పులకు సంబంధం వుందంటున్నాయి పరిశోధనలు. నిద్ర తగ్గితే మోకాలి నొప్పులు ఎక్కువవుతాయని చెపుతున్నాయి. మనం మేల్కొని వున్నప్పుడు మోకాలి దగ్గర ఎక్కువ కణజాలం చేరుతుంటుందట. నిద్ర సమయంలో ఉత్పత్తయ్యే కొన్ని హార్మోన్లు వాటిని కరిగిస్తాయి. నిద్రలేమి వల్ల ఆ అవకాశం లేకుండా పోతుంది.
ఎక్కువగా బరువులు ఎత్తడం, ఆ ఎత్తే సమయం ఎక్కువగా వుండటం కూడా మోకాలి నొప్పులకు దారి తీస్తుంది. చేతులపై పడే భారం మోకాలికి పాకి లోపలి కీళ్లూ, ఎముకలు కిందకు జారడం ఇందుకు కారణం. దీన్ని నిర్లక్ష్యం చేస్తే మహిళల్లో ఆర్థ్రరైటిస్ వచ్చే ఆస్కారం ఎక్కువ. కదలికలకు అనుగుణంగా మోకాళ్లు వంగుతాయి. అధిక బరువు వున్నట్లయితే దాని భారం మోకాళ్ల మీద పడుతుంది. హార్వర్డ్ మెడికల్ స్కూల్ పరిశోధనల ప్రకారం శరీర బరువు మోకాలిలోని జాయింట్లపై పడి ఎక్కువ ఒత్తిడిని కలుగజేస్తుంది.
వ్యాయామాలు మరీ ఎక్కువ చేయడం వల్ల మోకాలి సమస్యలు వస్తాయనడం నిజమే. కానీ అస్సలు కసరత్తుల జోలికి వెళ్లని వారిలో కూడా ఇది ఎక్కువగా వుంటుంది. బరువులెత్తే వ్యాయామాలు కాకుండా మోకాలిపై ఎక్కువ ఒత్తిడివ్వని యోగా, నడక, సైక్లింగ్, ఈత వంటి వ్యాయామాలను ఎంచుకోవచ్చు. స్టాన్‌ఫోర్డ్ విశ్వవిద్యాలయ శాస్త్రవేత్తలు చెబుతున్నదేమిటంటే... ఎత్తు మడమల చెప్పులు వేసుకునేవారిలో దీర్ఘకాలిక మోకాళ్ల నొప్పులు వస్తాయని. ఇది కూడా ఆస్టియో పోరాసిస్‌కి దారితీస్తుంది.