కొన్ని పదార్థాలు తినడం వల్ల లావుగా మారే అవకాశం వుంది. అంతేకాదు వృద్ధాప్యం కూడా చాలా త్వరగా వచ్చేస్తుంది. అలాంటి పదార్థాలు ఏమిటో చూద్దాం. ప్రాసెస్ చేసిన ఆహారంలో అన్ని రకాల పోషకాలు నాశనం అవుతాయి. అందుకే ప్యాక్డ్ ఫుడ్ చాలా వరకు తగ్గించుకుంటే మంచిది.
జంక్ ఫుడ్.. మనం చెప్పుకునే మాటల్లో ఫాస్ట్ ఫుడ్. దీనిని మైదా నుండి తయారు చేస్తారు. దీనితో తయారు చేసిన పదార్థాలను తింటే అది కడుపులో పేరుకుపోవడం ప్రారంభమవుతుంది. ఇది బరువును పెంచుతుంది.
నూనెలో బాగా వేయించిన వస్తువులు. ఫ్రెంచ్ ఫ్రైస్, సమోసాలు, కచోరీ, బ్రెడ్ కాల్చి చేసేవన్నీ కొలెస్ట్రాల్ పెంచటంతో పాటు బరువును కూడా పెంచుతాయి. వైట్ బ్రెడ్‌లో ఉండే గ్లైసెమిక్ ఇండెక్స్ అలాగే ఉంటుంది. దీన్ని తీసుకోవడం వల్ల వయసుకు ముందే వృద్ధాప్యం కనిపించడం ప్రారంభమవుతుంది.
నిర్ణీత పరిమాణంలో చక్కెర తీసుకోవడం మంచిది. అతిగా తీసుకుంటే వృద్ధాప్యం వస్తుంది. మధుమేహం వచ్చే ప్రమాదం ఉంది. అలాగే టీ... కాఫీలు. వీటిలో కెఫిన్ కంటెంట్ ఎక్కువగా ఉంటుంది. దీంతో కళ్ల దగ్గర ముడతలు, నల్లటి వలయాలు వంటి సమస్యలు వస్తాయి. ఉప్పులో సోడియం ఉంటుంది. అధిక వినియోగం వల్ల శరీరంలోని కణాలు కుంచించుకుపోతాయి.