డ్రై ఫ్రూట్స్ అతిగా తింటున్నారా?.. షాకింగ్ నిజాలు తెలుసుకోండి!

నీరసించిపోయిన దేహాలకు తక్షణ శక్తిని అందించడంలో డ్రై ఫ్రూట్స్ పాత్ర చాలా గొప్పది. రోజువారీ పనుల్లో బిజీబిజీగా ఉన్నపుడు ఆహారం తీసుకోలేని పరిస్థితుల్లో ఉన్నపుడు గుప్పెడు డ్రై ఫ్రూట్స్ తీసుకుంటే ఇక పని సులువుగా ఉల్లాసంగా చేసుకోవచ్చు.

అయితే కొందరు ఈ డ్రై ఫ్రూట్స్ ఆరోగ్యానికి మంచిదని, మంచి శక్తిని ఇస్తాయని అతిగా తినేస్తుంటారు. డ్రై ఫ్రూట్స్ ఆరోగ్యానికి ఎంత మంచివో అతిగా తినడం వల్ల చాలా ఆరోగ్య సమస్యలు వస్తాయని చాలామందికి తెలియదు. డ్రై ఫ్రూట్స్ అతిగా తినడం వల్ల ఎదురయ్యే సమస్యలు మీకోసమే మరి. 

1.జీర్ణశయ సమస్యలు వస్తాయి

ఫైబర్ మానవ ఆరోగ్యానికి అవసరమైనది, ఇది ప్రేగు కదలికలను నియంత్రించడంలో మరియు మంచి గట్ ఆరోగ్యాన్ని నిర్ధారించడంలో సహాయపడుతుంది. డ్రై ఫ్రూట్స్ లో ఫైబర్ అధికంగా ఉంటుంది. అయితే ఇవి సులువుగా  జీర్ణమయ్యే ఫైబర్ లు కాదు. దీనివల్ల జీర్ణమవడానికి చాలా సమయం తీసుకుంటాయి. వీటిని అతిగా తినడం వల్ల కాని క్యాచ్ ఉంది.  ఫైబర్ ఎక్కువగా ఉండటం వల్ల కడుపుని చికాకు పెడతాయి మరియు తిమ్మిరి, ఉబ్బరం, కడుపు నొప్పి, మలబద్ధకం, విరేచనాలు మొదలైన సమస్యలను సృష్టిస్తాయి.

2.బరువు పెరుగుట

డ్రై ఫ్రూట్స్ అధికంగా తినడం వల్ల వేగంగా బరువు పెరుగుతారు. ఎలాగంటే..  డ్రైఫ్రూట్స్ లో  అధిక కేలరీలు ఉంటాయి. మనం తీసుకునే తక్కువ మోతాదులోనే ఎక్కువ కేలరీలు ఉండటం వల్ల బరువు పెరగడానికి దోహదం చేస్తుంది.  రోజూ ఎక్కువగా డ్రై ఫ్రూట్స్ తీసుకోవడం వల్ల ఎక్కువ కేలరీలు సులువుగా శరీరంలోకి వెళ్లిపోతాయి తద్వారా బరువు పెరుగుతారు.

3.దంత క్షయం

వీటిలో  సహజంగా ఫ్రక్టోజ్ ఉంటుంది, ఇది చాలా ఆరోగ్యకరమైనది కాని ఎక్కువగా తినడం వల్ల వీటిలోని చక్కెరలు దంతాలకు హనాయి చేస్తాయి. డ్రై ఫ్రూట్స్ పళ్లకు ఎక్కువగా అతుక్కుపోతాయి. దీనివల్ల వీటిలోని చక్కెరలు దంతక్షయం వైపుగా ప్రభావితం చేస్తాయి. 

4.మధుమేహాన్ని పెంచుతాయి

వీటిలో ఎక్కువ చక్కెర స్థాయిలు ఉన్న కారణంగా  ఇవి అధిక గ్లైసెమిక్ సూచికను కలిగి ఉంటాయి, ఇది రక్తంలో చక్కెర స్థాయిలలో తక్షణ పెరుగుదలకు కారణమవుతుంది.  అయితే వీటిని తీసుకోవడంలో ఉన్న సమస్య అకస్మాత్తుగా చక్కెర స్థాయిలు పెరగడం మరియు తగ్గిపోవడం వంటివి జరుగుతుంటాయి. దీనివల్ల ఒకోసారి ప్రమాదం కూడా జరగవచ్చు. అకస్మాత్తుగా తగ్గిపోయే చక్కెర స్థాయిల వల్ల అలసట మరియు స్పృహ తప్పడం, నీరసం వంటివి ఎదురు అవుతాయి.

5.ఉబ్బసం

డ్రై ఫ్రూట్స్ ను ఎక్కువ కాలం తాజాగా మరియు పురుగు పట్టకుండా నిల్వ ఉంచడానికి  వ్యాపారస్తులు సల్ఫర్ డయాక్సైడ్ ను వాడతారు. ఇది ప్రమాదకరమైనది, బ్లీచింగ్ ఏజెంట్ మరియు క్రిమిసంహారక మందుగా కూడా  ఉపయోగించబడుతుంది. డ్రై ఫ్రూట్స్ అధికంగా తినడం వల్ల వాటి నిల్వ కోసం వాడిన సల్ఫర్ డయాక్సయిడ్ ను కూడా తీసుకోవడం జరుగుతుంది. ఇది అలెర్జీని కలిగిస్తుంది మరియు ఉబ్బసం కలిగించే అవకాశం ఉంది.  ఉబ్బసం ఉన్నవారు డ్రై ఫ్రూట్స్ ను ఎక్కువగా తీసుకోకూడదు.

చివరగా ఒక్కమాట
డ్రై ఫ్రూట్స్ ఆరోగ్యమైనవే అయినప్పటికీ ఎక్కువగా తినకూడదు. ఆరోగ్యాన్ని కాపాడుకోవాలి అంటే మితమే ప్రధానమని గుర్తుంచుకోండి.