8 గంటల కన్నా ఎక్కువగా నిద్రిస్తే.. ఏమవుతుందో తెలుసా..?

ప్రతి ఒక్కరికి జీవితంలో నిద్ర అనేది ఎంతో ముఖ్యమైనది. చాలామంది నిద్రలేమి కారణంగా రకరకాల అనారోగ్యాల పాలవుతున్నారు. రోజూ తప్పకుండా 8 గంటల పాటు నిద్రించాలని వైద్యులు సూచిస్తున్నారు. ఈ 8 గంటల పాటు నిద్రించడం వలన శరీరం పునరుత్తేజం చెందుతుంది. శరీరానికి కావలసిన పోషక విలువలు పుష్కలంగా అందుతాయి. కనుక నిత్యం 6 నుండి 8 గంటల పాట నిద్రపోవాలని వైద్యులు చెప్తున్నారు.

కానీ, కొందరు ఈ సమయాన్ని పాటించరు. చాలా తక్కువ గంటలు నిద్రిస్తుంటారు. ఇక మరికొందరైతే ఏకంగా 10 గంటలకు పైగా నిద్రిస్తుంటారు. అసలు నిజం చెప్పాలంటే.. ఒక మనిషికి నిద్ర తక్కువైతే ఎలాంటి సమస్యలు ఎదుర్కుంటారో అదేవిధంగా నిద్ర ఎక్కువైతే కూడా అలాంటి సమస్యలే ఎదుర్కుంటారని ఇటీవలే ఓ పరిశోధనలో వెల్లడించారు. 

నిత్యం 10 గంటల పాటు నిద్రించిన వారికి మధుమేహం, స్థూలకాయం, తలనొప్పి, వెన్నునొప్పి, గుండె వ్యాధులు వంటి పలురకాల వ్యాధులకు గురికావలసి వస్తుంది. 8 గంటలు నిద్రించే వారికంటే.. 10 గంటల నిద్రించే వారికే అనారోగ్యాలు ఎక్కువగా ఉన్నాయని అధ్యయనంలో తేల్చి చెప్పారు. కనుక వీలైనంత వరకు నిద్రించే సమయాన్ని 10 గంటల కన్నా తక్కువగా ఉండేలా అలవాటు చేసుకోవాలి. లేదంటే పైన చెప్పిన వ్యాధులకు తప్పక గురికావలసి వస్తుందని నిపుణులు హెచ్చరిస్తున్నారు. కాబట్టి జాగ్రత్త వహించండి.