ముఖానికి అధికంగా ఫౌండేషన్ వేసుకుంటే.. ఏం జరుగుతుందో తెలుసా..?

ఈ కాలంలో లిప్‌స్టిక్‌ వేసుకోవడం చాలా సులువైపోయింది. కొందరైతే ఎప్పుడూ లిప్‌స్టిక్ వేసుకునే ఉంటారు. లిప్‌స్టిక్ వేసుకోవచ్చు.. కానీ, అదేపనిగా వాడడం అంత మంచిది కాదు. ఎందుకంటే.. రోజూ లిప్‌స్టిక్ రాసుకున్నప్పుడు పెదాలపై తేమ తొలగిపోయి పొడిబారి పగులుతుంటాయి. అందువలన లిప్‌స్టికి తుడుచుకున్న తరువాత కొద్దిగా తేనెను పెదాలను రాసుకోవాలి. ఇలా చేస్తే పెదాలు తేమను కోల్పోకుండా ఉంటాయి.

ఫౌండేషన్, కన్సీలర్, పౌడర్, బ్లష్ వీటితోనే కదా ముఖానికి మేకప్ వేసుకునేది.. వీటిని వాడడం వలన చర్మం పై రంధ్రాలను మూసేస్తాయి. ఇలా మూసుకున్నప్పుడు ముఖం ముడతలుగా మారుతుంది. దాంతో మెుటిమలు, నల్లటి వలయాలు వస్తుంటాయి. అందుకు మేకప్ శుభ్రం చేసుకునేటప్పుడు ముఖాన్ని క్లెన్సర్‌తో కడుక్కుంటే మంచి ఉపశమనం లభిస్తుంది.

మస్కారా, ఐషాడో, కాజల్ వంటి పదార్థాలన్నీ కంటి అందానికి ఉపయోగిస్తుంటారు. ఇవి కంటి అందాన్ని రెట్టిపు చేస్తాయనడంలో ఏమాత్రం సందేహం లేదు. కానీ రోజంతా వీటితోనే ఉంటే కళ్ల నుండి నీరుకారడం, ఎర్రగా మారడం, వంటి సమస్యలు వస్తాయి. ముఖ్యంగా చెప్పలంటే దురదలు అధికంగా ఉంటాయి. అలానే కంటి రెప్పలు రాలిపోయి అవకాశం ఉంది. కనుక కంటి శుభ్రం చేసేటప్పుడు పాలు లేదా కీరదోస ఉపయోగిస్తే ఇలాంటి సమస్యలు రావు.