Webdunia - Bharat's app for daily news and videos

Install App

తెలంగాణ ఎన్నికలు 2023: వైఎస్ షర్మిల కోసం సిద్ధాంతిని కలిసిన విజయమ్మ!

Webdunia
శనివారం, 14 అక్టోబరు 2023 (23:19 IST)
ప్రముఖ సిద్ధాంతి అద్దేపల్లి హనుమంతరావును దివంగత నేత వైఎస్సార్ సతీమణి, ఏపీ సీఎం జగన్మోహన్ రెడ్డి తల్లి వైఎస్ విజయమ్మ కలిశారు. తన కుమార్తె వైఎస్ షర్మిల రాజకీయ జీవితానికి విజయమ్మ ఆయన ఆశీస్సులు కోరుతున్నట్లు సమాచారం. 
 
ఒంగోలు సిద్ధాంతి అద్దేపల్లిపై విజయమ్మకు అపారమైన నమ్మకం ఉంది. గత కొన్నేళ్లుగా ఆమె సిద్ధాంతి హనుమంతరావును ఎన్నికల సమయంలో ప్రత్యేకంగా కలిశారు. తెలంగాణా ఎన్నికలు ప్రకటించి, వైఎస్ షర్మిల వైఎస్ఆర్ తెలంగాణా పార్టీ మొత్తం 119 అసెంబ్లీ నియోజకవర్గాల్లో పోటీ చేయబోతున్న నేపథ్యంలో విజయమ్మ సిద్ధాంతిని ఆయన ఇంట్లో కలిశారు. 
 
ఇందులో భాగంగా విజయమ్మ మూడు గంటల పాటు అమ్మవారి పీఠంలో రాజరాజేశ్వరి అమ్మవారికి ప్రత్యేక పూజలు నిర్వహించారు. షర్మిల తెలంగాణ ఎన్నికల్లో పోటీ చేస్తున్నందున విజయమ్మ పూజకు ప్రాధాన్యత సంతరించుకుంది. 
 
వైఎస్సార్‌సీపీ అసెంబ్లీ అభ్యర్థులను ప్రకటించేందుకు విజయమ్మ, షర్మిల సిద్ధాంతి నుంచి కొన్ని అనుకూల తేదీలు, ముహూర్తం కోరినట్లు సమాచారం. అభ్యర్థుల ప్రకటనకు కొన్ని తేదీలను పరిశీలించినట్లు సమాచారం. అలాగే తన రాజకీయ భవిష్యత్తుపై సిద్ధాంతితో వైఎస్ షర్మిల కూడా చర్చించినట్లు తెలుస్తోంది.
 
షర్మిల, విజయమ్మ ఇద్దరూ తెలంగాణ నుంచి పోటీ చేయబోతున్నారనే ప్రచారం జోరుగా సాగుతోంది. ఈ నేపథ్యంలో విజయమ్మ పూజా కార్యక్రమాలకు ప్రాధాన్యత సంతరించుకుంది. 
 
పార్టీని కాంగ్రెస్‌లో విలీనం చేసేందుకు ఆమె చేసిన ప్రయత్నాలు విఫలమయ్యాయి. దీంతో ఆమె మళ్లీ ఒంటరిగా పోటీ చేసేందుకు సిద్ధమయ్యారు. మరి రానున్న ఎన్నికల్లో షర్మిల పార్టీ ఎలా రాణిస్తుందో చూడాలి.

సంబంధిత వార్తలు

అన్నీ చూడండి

టాలీవుడ్ లేటెస్ట్

Rashmika : కుబేర నుంచి రష్మిక మందన్న థర్డ్ సింగల్ పీ పీ డుమ్ డుమ్ సాంగ్ రిలీజ్

Ustad: ఉస్తాద్ కోసం పవన్ కళ్యాణ్, శ్రీలీల పై క్లాప్ కొట్టిన హరీశ్ శంకర్

Surya46: సూర్య, వెంకీ అట్లూరి కలయికలో Suriya46 రెగ్యులర్ షూటింగ్ ప్రారంభం

Mangli Birthday: త్రిపుర రిసార్ట్‌లో మంగ్లీ పుట్టిన రోజు.. డ్రగ్స్ టెస్టులో పాజిటివ్

AS Ravi Kumar Chowdhury: యజ్ఞం దర్శకుడు AS రవి కుమార్ చౌదరి మృతి

అన్నీ చూడండి

ఆరోగ్యం ఇంకా...

రోబోటిక్ సర్జరీలలో సరికొత్త మైలురాయి సాధించిన మెడికవర్ హాస్పిటల్స్

ఓరి వీడి లవ్ ప్రపొజల్ ఐడియా తగలెయ్య (video)

కొబ్బరి కల్లు తాగితే ఏం జరుగుతుందో తెలుసా?

శంఖం పువ్వులు ఆరోగ్యానికి చేసే మేలు ఏమిటి

తీపి పదార్థాలు తెచ్చే అనారోగ్యాలు

తర్వాతి కథనం
Show comments