నేడు అంతర్జాతీయ అనువాద దినోత్సవం. అంతర్జాతీయ అనువాద దినోత్సవం సందర్భంగా భాషా నిపుణుల పనిని గౌరవిద్దాం. ప్రతి సంవత్సరం సెప్టెంబర్ 30ని అంతర్జాతీయ అనువాద దినోత్సవంగా జరుపుకుంటారు. ఈ రోజు దేశాలను ఏకతాటిపైకి తీసుకురావడంలో ముఖ్యమైన పాత్ర పోషిస్తున్న భాషా నిపుణుల పనిని గౌరవించే అవకాశాన్ని కల్పిస్తుంది.
ఈ రోజు బైబిల్ అనువాదకుడైన సెయింట్ జెరోమ్ పండుగను సూచిస్తుంది. సెయింట్ జెరోమ్ ఈశాన్య ఇటలీకి చెందిన ఒక ప్రీస్ట్, అతను బైబిల్‌ను గ్రీకు మాన్యుస్క్రిప్ట్‌ల నుండి లాటిన్‌లోకి అనువదించాడు. భాషాపరమైన ఇబ్బందులను సరిహద్దులను అధిగమించడం ద్వారా ప్రపంచ ప్రజల మధ్య మంచి కమ్యూనికేషన్, వృత్తి నైపుణ్యం, అవగాహనను పెంపొందించడంలో భాషా అనువాదకులు ముఖ్యమైన పాత్ర పోషిస్తారు.
ప్రపంచ శాంతి, భద్రతను అభివృద్ధి చేయడంలో, బలోపేతం చేయడంలో అనువాదకులు చాలా దోహదపడతారు. అంతర్జాతీయ అనువాద దినోత్సవాన్ని ప్రతి సంవత్సరం ఒక ప్రత్యేకమైన థీమ్‌తో సెప్టెంబర్ 30న జరుపుకుంటారు.
అంతర్జాతీయ అనువాద దినోత్సవం 2022 థీమ్ "అవరోధాలు లేని ప్రపంచం."
కోట్స్..
"అనువాదం లేకుండా నేను నా స్వంత దేశం యొక్క సరిహద్దులకే పరిమితం అవుతాను. అనువాదకుడు నా అత్యంత ముఖ్యమైన మిత్రుడు. అతను నన్ను ప్రపంచానికి పరిచయం చేస్తాడు." - ఇటలో కాల్వినో
"అనువాదకుడు తమ సొంత భాషలో కళాఖండాలను తిరిగి వ్రాయడానికి అవకాశం ఉన్న ఒక విశేషమైన రచయిత." - జేవియర్ మారియాస్
"అనువాదం కేవలం పదాల విషయం కాదు: ఇది అర్థమయ్యేలా పూర్తి సంస్కృతిగా మార్చడం." - ఆంథోనీ బర్గెస్.