విశాఖపట్టణం జిల్లా చింతపల్లి మండలంలో దురదృష్టకర ఘటన జరిగింది. 15 యేళ్ళ బాలికను 17 యేళ్ల బాలుడు గర్భవతిని చేశాడు. ప్రస్తుతం ఆ బాలిక 8 నెలల గర్భవతి. ఈ విషయం తెలుసుకున్న బాలిక తల్లిదండ్రులు హతాశులైపోయారు. దీనిపై బాధితురాలి తల్లిదండ్రులు పోలీసులకు ఫిర్యాదు చేశారు. దీంతో కేసు నమోదు చేసి బాలుడిని అరెస్టు చేశారు.
ఈ వివరాలను పరిశీలిస్తే, జిల్లాలోని చింతపల్లి మండలోని తాజంగి పంచాయతీ పరిధిలోని బోయపాడు గ్రామానికి చెందిన 15 యేళ్ళ బాలిక స్థానికంగా ఉండే ఓ పాఠశాలలో తొమ్మిదో తరగతి వరకు చదివి ఇంటిపట్టునే ఉంటుంది. అదే గ్రామానికి చెందిన 17 యేళ్ల బాలుడు ఇంటర్ పూర్తి చేసి ఇంటివద్దనే ఉంటున్నాడు.
ఈ క్రమంలో వీరిద్దరి మధ్య ఏర్పడిన పరిచయం కాస్త ప్రేమగా మారింది. దీంతో వారిద్దరూ ఏకాంతంగా శారీరకంగా కలుసుకుంటూ వచ్చారు. దీంతో ఇటీవల ఆ బాలిక అనారోగ్యానికి గురికావడంతో తల్లి నర్సీపట్నం ఆస్పత్రికి తీసుకెళ్లింది. అక్కడ బాలికను పరిశీలించిన వైద్యులు... ఆమె ఎనిమిది నెలల గర్భవతి తేల్చారు.
వైద్యులు నోటి వెంట తమ కుమార్తె గర్భవతి అనే మాట రాగనే తల్లిదండ్రులిద్దూ హతాశులై అక్కడే కుప్పకూలిపోయారు. ఆ తర్వాత తేరుకుని బాలుడుపై పోలీసులకు ఫిర్యాదు చేశారు. కేసు నమోదు చేసిన పోలీసులు... బాలుడుని అరెస్టు చేసి జువైనల్ హోంకు తరలించారు.