ప్రేమకు అడ్డుగా ఉందని యువతి తల్లిపై ప్రేమోన్మాది దాడి.. గొంతు పిసికి చంపడానికి యత్నం (Video)

తమ ప్రేమకు, పెళ్లికి అడ్డొస్తుందన్న అక్కసుతో ప్రియురాలి తల్లిపై ఓ ప్రేమోన్మాది దాడికి పాల్పడ్డాడు. ఆమెపై దాడి చేసి, గొంతు పిసికి చంపడానికి నిరాకరించాడు. ఈ దారుణ ఘటన తెలంగాణ రాష్ట్రంలోని కరీంనగర్ జల్లా రామడుగు మండలం వన్నారం అనుబంధ గ్రామమైన సుద్దాలపల్లిలో జరిగింది. ప్రియురాలి తల్లిపై దాడి చేసి, గొంతునులిమి హత్య చేసేందుకు ప్రయత్నిస్తున్న దృశ్యాన్ని ఎవరో వీడియో సోషల్ మీడియాలో షేర్ చేయడంతో ఈ వీడియో ఇపుడు వైరల్ అయింది. 

సుద్దాలపల్లి గ్రామానికి చెందిన దూట రాజ్‌కుమార్ అనే యువకుడు జాడి సుస్మిత అనే యువతితో గత కొంతకాలంగా ప్రేమలోవున్నాడు. ఈ విషయాన్ని గమనించిన తల్లి చామంతి కుమార్తెను పలుమార్లు మందలించింది. పైగా, పక్షవాతంతో మంచంలో ఉన్న తండ్రి పరిస్థితిని వివరించి సుస్మిత మనసు మార్చింది. దీన్ని రాజ్ కుమార్ జీర్ణించుకోలేక పోయాడు. 

తమ ప్రేమకు చామంతి అడ్డొస్తుండటంతో ఆమెను ఎలాగైనా చంపాలని కుట్ర పన్నాడు. ప్రియురాలి తల్లిపై తీవ్రమైన కసితో దాడి చేసి ముఖంపై పిడిగుద్దులు కురిపించాడు. దీంతో ఆమె కిందపడిపోవడంతో ఆమెపై కూర్చొని గొంతు పిసికి చంపేందుకు ప్రయత్నించాడు. దీన్ని చూసిన కుమార్తె సుకన్యతో పాటు స్థానికులు రాజ్‌కుమార్‌ను అడ్డుకుని చామంతిని ప్రాణాపాయం నుంచి తప్పించారు. ఈ ఘటనపై స్థానికులు పోలీసులకు ఫిర్యాదు చేయడంతో కేసు నమోదు చేసిన పోలీసులు రాజ్‌కుమార్‌ను అరెస్టు చేసి రిమాండ్‌కు తరలించారు.