ఆమె ఓ అడల్ట్ స్టార్. లెక్కలేనంత మంది ఫ్యాన్స్. ఐతే గత కొన్ని రోజులుగా కనిపించకుండా పోయింది. ఐతే వెన్నులో వణుకుపుట్టించే ఘటన ఏంటంటే.. ఈ ఇటాలియన్ అడల్ట్ నటిని హత్య చేసింది బ్యాంకర్ అని తెలిసి పోలీసులు షాక్ తిన్నారు. అంతేకాదు... హత్య చేసిన తర్వాత నటి శరీర భాగాలను ముక్కలు ముక్కలుగా చేసి నాలుగు బస్తాలలో ప్యాక్ చేసి సమీపంలో ఓ గ్రామీణ రహదారి పక్కన పడేసాడు.
పోలీసులు తెలిపిన వివరాల ప్రకారం, 26 ఏళ్ల నటి కరోల్ మాల్టేసిని సుత్తితో కొట్టి చంపేసాడు. ఈ హత్య చేసిన డేవిడ్ ఫోంటానా అనే 43 ఏళ్ల బ్యాంకర్, ఫుడ్ బ్లాగర్‌ను అదుపులోకి తీసుకుని విచారించగా హత్య గురించి వాస్తవాలు వెలుగులోకి వచ్చాయి. కోవిడ్ కారణంగా అడల్ట్ స్టార్ కరోల్ అవకాశాలు తగ్గిపోయాయి. దీనితో ఆమెకి బ్యాంకర్, ఫుడ్ బ్లాగర్ అయిన ఫోంటానాతో పరిచయం ఏర్పడింది.
ఈ క్రమంలో వారిరువురు స్నేహితులయ్యారు. గత జనవరి నెలలో ఏదో విషయం దగ్గర గొడవ జరిగి హత్యకు దారి తీసింది. ఆమెను సుత్తితో కొట్టి హత్య చేసిన ఫోంటానా ఆమె శవాన్ని ఫ్రీజర్‌లో దాచాడు. ఆ తర్వాత నెల రోజులకి ఆమె శవాన్ని బయటకు తీసి ముక్కలు ముక్కలుగా కట్ చేసి వాటిని బ్యాగులో ప్యాక్ చేసాడు.
మార్చి 20న ఉత్తర ఇటాలియన్ ప్రాంతమైన లోంబార్డీలోని పల్లిలైన్ గ్రామానికి సమీపంలో ఉన్న ఒక శిఖరంపై ఎంజీ యొక్క ఛిద్రమైన శరీరం నాలుగు నల్ల బస్తాలలో కనుగొనబడింది. సమాచారం అందుకున్న పోలీసులు, శరీర భాగాలను స్వాధీనం చేసుకుని ఆ భాగాలపై వున్న టాటూలను చూసి ఆమె అడల్ట్ స్టార్ అని కనుగొన్నారు. డబ్బు బాగా వుండటంతో అందమైన యువతులను మోసం చేస్తున్నట్లు విచారణంలో తేలింది.