క్రీడాకారిణిపై 62 మంది అత్యాచారం ... కోచ్‍‌ - సహ ఆటగాళ్ళు కూడా...

కేరళ రాష్ట్రంలో ఓ దారుణం వెలుగులోకి వచ్చింది. దళిత సామాజిక వర్గానికి చెందిన ఓ క్రీడాకారిణీపై 62 మంది అత్యాచారానికి పాల్పడ్డారు. ఈ దారుణఆనికి పాల్పడిన కామాంధుల్లో కోచ్‌‌తో పాటు సహా ఆగాళ్లు కూడా ఉన్నారు. బాధితురాలు 13 యేళ్ల వయసులో ఉన్నప్పటి నుంచి ఆమెపై లైంగికదాడి జరుగుతుంది. ప్రస్తుతం ఈ క్రీడాకారిణి వయసు 18 యేళ్లు. ఈ కేసులో ఇప్పటివరకు 15 మందిని అరెస్టు చేశారు. మరో 40 మందిపై పోక్సో చట్టం కింద కేసు నమోదు చేశారు. 

బాధితురాలు 13 యేళ్ళ వయసులో ఉన్నపుడు పొరుగింటి వ్యక్తి బలవంతంగా ఆమెను తన ఇంట్లోకి లాక్కెళ్లి పోర్న్ చిత్రాలు చూపించాడు. ఆపై స్నేహితులతో కలిసి అఘాయిత్యానికి పాల్పడ్డాడు. బాలిక పోటీల నిమిత్తం వివిధ ప్రాంతాలకు వెళ్లినపుడు తోటి ఆటగాళ్లతో పాటు కోచ్‌ కూడా ఆమెపై లైంగిక దాడికి పాల్పడ్డారు.

అయితే, ఈ విషయాన్ని ఆమె ఎపుడూ తన తల్లిదండ్రుల దృష్టికి తీసుకెళ్లలేదు. తండ్రి సోన్‌ఫోన్‌ను బాధిత యువతి వాడుతూ వచ్చింది. దీంతో ఆ ఫోనులోని కాంటాక్ట్ లిస్ట్‌లో ఉన్నవారే ఆమెపై ఈ దారుణానికి పాల్పడినట్టు తెలిసింది. కేరళ సమాఖ్య సొసైటీ వలంటీర్లు ఇటీవల క్షేత్రస్థాయి పర్యటనకు వెళ్లగా ఈ దారుణ ఘటన వెలుగులోకి వచ్చింది. దీనిపై తీవ్రంగా స్పందించిన మహిళా కమిషన్ మూడు రోజుల్లో నివేదిక ఇవ్వాలని అధికారులను ఆదేశించింది.