నాగ్‌పూర్‌లో వన్డే: టీమిండియా జట్టు వివరాలు.. హర్షిత్ రాణాకు చోటు

Rohit Sharma

ఇంగ్లాండ్‌తో జరిగిన ఐదు మ్యాచ్‌ల టీ20 సిరీస్‌ను 4-1 తేడాతో గెలుచుకున్న టీమిండియా ఇప్పుడు మూడు మ్యాచ్‌ల వన్డే సిరీస్‌పై దృష్టి పెట్టింది. ఈ సిరీస్ ఫిబ్రవరి 6 (గురువారం) నాగ్‌పూర్‌లో జరిగే వన్డేతో ప్రారంభమవుతుంది. సన్నాహకంగా, భారత జట్టు ఆదివారం రాత్రి నాగ్‌పూర్ చేరుకుంది.

రోహిత్ శర్మ, విరాట్ కోహ్లీ, రిషబ్ పంత్, శ్రేయాస్ అయ్యర్, శుభ్‌మన్ గిల్, యశస్వి జైస్వాల్ వంటి స్టార్ ఆటగాళ్ళు నేరుగా తమ జట్టు హోటల్‌కు వెళ్లే ముందు నాగ్‌పూర్ విమానాశ్రయంలో కనిపించారు. ఈ జట్టు నేటి నుండి ప్రాక్టీస్ సెషన్‌లను ప్రారంభించనుంది. 

మూడు వన్డేల సిరీస్‌లో భాగంగా, రెండవ వన్డే ఫిబ్రవరి 9న కటక్‌లో జరగనుండగా, మూడవ, చివరి మ్యాచ్ ఫిబ్రవరి 12న అహ్మదాబాద్‌లో జరగనుంది. ఇదిలా ఉండగా, భారత పేస్ బౌలర్ జస్ప్రీత్ బుమ్రా మొదటి రెండు వన్డేలకు దూరమవుతాడు, కానీ అతను మూడవ మ్యాచ్‌కు అందుబాటులో ఉంటాడని బీసీసీఐ తెలిపాయి. ఇక హర్షిత్ రాణాను జట్టులో చేర్చారు.

ఐసిసి ఛాంపియన్స్ ట్రోఫీకి ముందు ఇంగ్లాండ్, భారతదేశం రెండింటికీ ఈ సిరీస్ కీలకమైన సన్నాహకంగా ఉపయోగపడుతుందని భావిస్తున్నారు.

ఇంగ్లాండ్‌తో వన్డే సిరీస్‌కు భారత జట్టు:

రోహిత్ శర్మ (కెప్టెన్), శుభ్‌మాన్ గిల్ (వైస్-కెప్టెన్), విరాట్ కోహ్లీ, శ్రేయాస్ అయ్యర్, కెఎల్ రాహుల్ (వికెట్ కీపర్),  హార్దిక్ పాండ్యా, అక్షర్ పటేల్, వాషింగ్టన్ సుందర్, కుల్దీప్ యాదవ్, హర్షిత్ రాణా, మహమ్మద్ షమీ, అర్ష్‌దీప్ సింగ్, 

యశస్వి జైస్వాల్, రిషబ్ పంత్ (వికెట్ కీపర్), రవీంద్ర జడేజా.