రోహిత్ కుమార్తె ఫోటో వైరల్.. హిట్ మ్యాన్ సోషల్ మీడియా సూపర్

Rohit sharma

రోహిత్ కుమార్తె ఫోటో ప్రస్తుతం నెట్టింట వైరల్ అవుతోంది. టీమిండియా హిట్ మ్యాన్ రోహిత్ శర్మ గాయంతో జట్టుకు దూరమయ్యాడు. ప్రస్తుతం విశ్రాంతి తీసుకుంటున్న హిట్‌మ్యాన్‌.. భార్య రితిక, కుమార్తె సమైరాలతో కలిసి సరదాగా గడుపుతున్నాడు. ఈ క్రమంలో కూతురు సమైరాతో కలిసి రోహిత్ దిగిన ఓ ఫోటో ప్రస్తుతం సోషల్‌ మీడియాలో వైరల్‌ అవుతోంది.

రోహిత్‌ సతీమణి రితిక మంగళవారం ఈ వీడియోను సోషల్‌ మీడియాలో షేర్‌ చేశారు. రితిక తన ఇన్‌స్టాగ్రామ్‌ స్టోరీలో పోస్ట్ చేసిన ఆ వీడియోలో రోహిత్‌, సమైరా ఇద్దరూ ఫోన్‌లో నిమగ్నమయ్యారు. రోహిత్‌ చిన్నారి సమైరాకు ఏదో చూపిస్తున్నాడు. సమైరా ఎంతో ఆసక్తిగా రోహిత్ చూపిస్తున్న అంశాన్ని పరిశీలిస్తోంది. ఈ వీడియోకి రితిక అనుమతి ఇచ్చిందని రాసుకొచ్చారు. 

Rohit sharma

ఇకపోతే.. రితిక పోస్ట్ చేసిన వీడియోపై ఐపీఎల్ ప్రాంచైజీ ముంబై ఇండియన్స్‌ సరదాగా ఓ ట్వీట్‌ చేసింది. 'రోహిత్‌ కొత్త సోషల్‌ మీడియా మేనేజర్‌ ఎంత క్యూట్‌గా ఉంది. ఆమెకు పదికి ఎన్ని పాయింట్లు ఇస్తారు' అని ట్వీట్ చేసింది. ముంబై ట్వీట్‌పై నెటిజన్లు తమదైన స్టయిల్లో రిప్లై ఇస్తున్నారు.